In^a) nomine domini amen. Per hoc presens publicum instrumentum cunctis ipsum intuentibus et specialiter quos presens tangit negocium vel tangere poterit quomodolibet in futurum, L pateat evidenter, quod sub anno domini millesimo tricentesimo nonagesimo in vigilia beati Marci ewangeliste qui fut^b) septimo kl. mensis maii hora vesperarum vel L quasi eiusdem diei pontificatus sanctissimi in Christo patris ac domini nostri domini Bonifacii digna dei providencia pape noni anno eius primo indictione XIII^a in domo diLscreti viri domini Vlrici Schriber et tunc magistri civium in Lindagia¹ in mei notarii publici et testium subscriptorum^c) personaliter constituti subscripti viri et famuli dominorum, quorum tunc famuli et subiecti erant, scilicet Jacobus Vischer de Wolsperg², Cunradus Slaiczer de Popphingen³, Cunradus Vbelli de Wolfartz⁴, Cunradus Rêre de Wrtzen⁵, Cunradus Guder de Bitze², Petrus Gebure de Lupoltz⁶, Eberhardus de Meringen⁷, Marquardus de Lupoltz, Hainricus Swartz von dem Riet² et cum erant compotes sani totius corporis et mentis nec vel metu compulsi nec aliquo vinculo detenti vel captivati sed libere ac voluntarie asseruerunt et dixerunt pluribus tractatibus actibus et sollempnitatibus premissis, quod ipsi omnes et singuli predicti sunt et essent amicabiliter compositi et concordati in omnibus contraversiis contrarietatibus et molestacionibus ab eis factis usque in hodiernum diem iuxta data huius publici instrumenti cum septem civitatibus subscriptis et cvitatensibus^b) seu hominibus utriusque sexus earundem civitatum ibidem morantium scilicet illorum de Costancia, de Vberlingen⁸, de Lindagia, de Rauenspurg⁹, de sancto Gallo, de Wangen¹⁰, de Buchorn¹¹, ita quod fide data nomine et loco iuramenti in manus domini Vlrici Schriber pro tunc magistri civium in Lindagia et iuramentis corporalibus subsecutis, prout idem dominus Vlricus Schriber ipsos et quemlibet ipsorum erectis ipsorum digitis in forma aut more iurandi per verba iuramentum constituenda cui et scilicet domino Vlico^b) predicto hoc commissum erat, ut nomine et iussu predictarum civitatum hoc agerent et ordinarent, super qua fide et iuramentis sic a quolibet predictorum datis et prestitis promiserunt omnes et quilibet ipsorum specialiter esse et fore nunc et semper bonus et boni fideles amici predictarum civitatum et hominum in eisdem civitatibus et civilegium ibidem habentibus utriusque sexus, ut promissum est, et numquam inperpetuum contra predictas civtates^b) et civlegium^b) ibidem habentes facere aliquam hostilitatem gravando ipsos quovis modo sive molestando et contrariando quavis notabili contrarietate, et insuper promiserunt, ut supra premissum est, quod debent omnes suos cognatos et amicos pro suo posse et quibus adultimatum ipsorum posse ad hoc ducere et ordinare et agere, ut sint similiter ut ipsi iurati predicti boni et fideles amici predictarum civitatum et hominum utriusque sexus, ut premissum est. Et si aliquis predictorum prevaricando infringeret premissa vel aliquod premissorum, quod fide et iuramento promiserant, quod absit et deus non velit, ubicumque talis apprehenderetur in quocumque loco et coram iudice seculari, quantumcumque dicto debet et potest diiudicari sententialiter ut reus morti et pena mortis condempnari. Et super omnia premissa ratum et gratum tenenda et quilibet ipsorum promiserunt ut supra, ut nullus ipsorum debeat quodquam facere vel eciam contra premissa venire quovis modo vel per se ipsum vel per personas alias, qualitercumque dictas religiosas vel seculares et coram iudice qualitercumque dicto religioso vel seculari quovis ingenio vel colore inventis vel inveniendis, quibus premissa vel aliquod ipsorum posset impediri vel annullari, renuntiantes etiam omni iuri libertati et consuetudinibus provincie civitatum opidorum et villarum et omnibus, quibus possent premissa impediri vel annullari, ut premissum est. Super quibus omnibus et singulis predicti iurati unâ cum domino Vlrico Schriber magistro civium in Lindagia, qui hoc et ista ex iussu predictarum civitatum hoc et omnia ista peregit me notarium publicum subscriptum cum instancia requisierunt, ut de premissis omnibus et singulis ipsis facerem instrumentum publicum unum et plura in meliori forma, qua fieri posset, invocantes testimonium astantium et presentium et super premissis. Acta sunt hec anno die mense pontificatus et indictione prefatis presentibus discretis viris et dominis dicto Swartz Gaptzen, Cunrado Haintzel, Rudolfo Maiger, Johanne Warchmaister, Cunrado Vogelli civibus in Lindagia, Hainrico Surgen civi in Rauenspurg, Andrea Warhmaister civi in Wangen testibus ad premissa vocatis pariter et rogatis. (ST) Et ego Jacobus Tolster¹² quondam magister scolarium in Lindagia publicus auctoritate imperiali notarius iuratus Constanciensis dyocesis, quia predicte relationi dictioni et manifestacioni fidei loco iuramenti corporalibus iuramentis subsecutis et omnibus et singulis, dum sic agerentur et fierent, ut premittitur, presens cum prenotatis testibus una interfui eaque sic fieri vidi et audivi, idcirco hoc presens publicum instrumentum iuxta consilio prudentum exinde confeci et in hanc formam publicam redegi propriaque manu mea me subscripsi signoque meo solito ac consweto consignavi in testimonium omnium premissorum rogatus et^d) premittitur requisitus.