Den fursichtigen wisen den burgermaistern raten vnd burgern gemainlichen der stette L Kostentz, Vberlingen¹, Lyndowe², sant Gallen, Wangen³ vnd Puchorn⁴ vnsern lieben aidgenozzen enbieten L wir der burgermayster vnd der rate ze Rauenspurg⁵ vnsern fruntlichen dienst allezit berait. Lieben L aydgenozzen, wir senden iuch den buntbrieue ze besigeln bi dem potten, als nu nechst gemain stette ze Lyndow ze raut wurden, daz man den von der von Lyndow wegen solt androst schriben, der stât ouch von wort ze wort alz der wider brieff, wann als vil mer das die von Lyndowe daryn geschriben sint. Pitten wir iwer fruntschafft mit ernst vlissig, das ir disen botten mit dem versigeln furderen, daz er damit nit gesomt werde. Daz wellen wir mit willen gern vmb iuch beschulden vnd gedyenen. Des ze vrkund so haben^a) wir vnser secret ynsigel ynwendig gedrukt vff disen brieff. Der geben ist an dem zinstag nach sant Vrbans tag ze nechst, anno domini millesimo CCC^mo LXXXX^mo secundo.