Wir^a) Wenczlaw von gotes genaden Romischer kunig zu allen czeiten merer des reichs vnd L kunig zu Beheim embiten dem burgermeister rate vnd burgern gemeinlichen der stat zu sant L Gallen^b) vnsern vnd des reichs lieben getrewen vnser genad vnd alles gut. Lieben getrewen, vmb L die gewonliche stewer, die ir vns vnd dem reiche jerlichen zugeben pflichtig seit, heissen vnd gebiten wir euch ernstlichen vnd vesticlichen bey vnsern vnd des reichs hulden, das ir die Borziwogien von Swinarz² lantfogt zu Swoben vnd in Elsassen oder seinem boten genczlichen vnd vnuertzogenlichen vf den nehsten sand Merteins tage mit alder guter werung richtet vnd beczalet. Wann so ir das getan habt, so sagen wir euch derselben stewer als von disem jare von vnsern vnd des reichs wegen qweit ledig vnd loze. Mit vrkunt dicz briues vorsigelt mit vnserm kuniglichen maiestat insigel. Geben zu Prage noch Crists gepurte dreyczenhundert jar vnd dornach in dem dreivndnewnczigistem jare, an sand Sigmundes tage, vnserr reiche des Behemischen in dem dreissigisten vnd des Romischen in dem sibenczehenden jaren.