Ich^a) Ital Ohsenhart von Ohsenhart¹ vergich vnd tun kunt allermenglichem mit disem L brief, alz die erwirdigen min gnadigen herren abt Cun vnd gemain cappittel des gotzLhus ze sant Gallen² mir vmb minen dienst ze libding geben hânt drizehen mut kernen vnd L ain viertel Winterthurer³ messes vnd funfzehen schilling stabler iarlichs zinses vsser ires gotzhus guter ze Zunnikon⁴, die Peter von Zunnikon lang gebuwen hât, daz da in derselben gab vnd sach namlich bedingot vnd beredt ist. Vnd gib ôch ich den obgenanten minen gnadigen herren den vollen gewalt vnd recht mit disem brief, wenn oder welhs iars bi minem leben dieselben min herren oder ir nachkomen mir sament vnd mit enander vor sant Johans tag des Tôffers ze sunnwendi werent vnd bezalent sechtzig pfund pfenning guter vngeuarlicher Costentzer muns oder zwen gut geng haller für ainen pfenning oder anderlay muns, die denn in dem land dar fur geng vnd gab ist, daz ich inen denn ze stett dar vmb ân allen furzug vnd widerred daz vorgeschriben kernen gelt vnd pfenning gelt vnd daz libding gantzlich ledig vnd lôs lassen sol vnd inen den libding brief, den ich dar vmb inne hân, vssher geben sol.Vnd woltent aber si dieselben losung dehaines iars nach dem obgenanten sant Johans tag von mir also tun, des sol ich inen ôch gestatten, doch also, dz mir dasselb libding dennoht dasselb iar vnd nit furbaz nachvolgi vnd werdi ân geuard. War aber, dz ich von todes wegen abgiengi vormals, e daz die obgenanten min herren daz vorgeschriben libding von mir wider gelostint, so sol doch daz obgenant kern gelt vnd stabler gelt denn zestett nach minem tod denselben minen herren iren nachkomen vnd irem gotzhus ledig und lôs sin ân aller miner erben vnd ân allermenglichs von minen wegen sumen vnd ansprâch ân geuard. Des ze warem offem vrkund so hân ich min insigel fur mich vnd min erben offenlich gehenkt an disen brief. Der geben ist nach Cristz geburt druzehenhundert iar, dar nach in dem dritten jar, an dem nahsten samstag nach aller hailgen tag.