Officialis curie Constanciensis etc. In causa coram nobis mota L inter peritum virum dominum Conradum dictum Bolling phyLsicum Const(anciensem) actorem ex una et dominum Johannem dictum BurgLower rectorem parrochialis ecclesie sancti Laur(encii)¹ apud sanctum Gallum Constanciensis dyocesis reum ex parte altera eidem actori certum competentem terminum prefigendum duximus videlicet feriam quintam post festum sancti Martini episcopi proximam ad ponendum seu faciendum posiciones, si quas in huiusmodi causa facere vellet. Quo etiam termino adveniente prefatus actor satisfaciendo termino prescripto nonnullas coram nobis obtulit posiciones, quarum in numero fuerunt et sunt triginta una², quibus ut sic oblatis petiit idem actor sibi dictum reum per nos compelli ad respondendum eisdem. In contrarium vero Johannes de Brisaco³ procurator et nomine procuratorio ipsius rei sibi certum competentem terminum statui petiit ad dicendum et allegandum causas et rationaciones peremptorias, per quas tota ipsius actoris intentio eluderetur et excluderet^a), quod ipse de cetero non deberet audiri et quod dictus reus eisdem posicionibus respondere non teneretur. Nos eidem Johanni procuratori et parti sue terminum statuentes^b) videlicet ad feriam septimam post festum sancti Martini episcopi proximam^c) ad dandum et allegandum huiusmodi causas et rationaciones peremptorias et in scriptis prescise^b) et peremptorie. Datum Constancie dicta feria quinta, indictione prima.