Ich^a) Johans Schach fry lantrichter in Cleggow an statt vnd in namen des hochedeln mins gnadigen heren graff Hansen^b) von HapLspurg lantgraff in Kleggow tun kund menlichem mit disem brief, dz ich offenlich ze gericht sass zem Langenst(ein) am lantag, vnd kam L fur mich in verbannen lantgericht Vlrich ab dem Berg vnd Vlrich Keller burger ze sant Gallen vnd ofneten mit irm fursprechen, wie dz dem burgermeiyster ratten allen manhaften luten by zwelff jar alt vnd elter der statt ze sant Gallen verkund war vmb dz sy Gorgen, Hainrichen vnd Cunraten den Warmman [. . .]^c) Otlin vnd mit Cunraten Swittzer dem tottengrebel, Hennyn Otlin vnd Vlin Amman von sant Gallen, die all offen achter sin solten von clag wegen Welty Lantman vnd des gerichts amptlut. Vnd liessen die obgenanten botten an ein recht, ob man vtt billich der von sant Gallen frygheyd vnd brieff^d) verlesen solt. Fragt ich richter vmb, wz recht war^e). Ward erteilt, dz man ir frigheyt vnd brief billich verhoren solt. Vnd do die frygheyd vnd brief verlesen wurden, liessen die botten furo an ein recht, wz recht war. Fragt ich vmb vnd ward einhelleklich erteilt, dz dz verkunden gen gemeiner statt sant Gallen von des verkunders der vorgenanten achter wagen nu vnd hie nach dott vnd ab sin solt vnd in nu noch hie nach kein schaden bringen soll. Dirrer vrteil batten sy brief vnd batten die in och erteilt wrden. Mitt vrkund diss brieff geben vnd besigelt mit rechter vrteil vff dem obgenanten lantag ann der nachsten mittwochen nach aller heilgen tag^f) mit des lantgerichts anhangenden insigel des jars, do man zalt von Cristus geburt druzehenhundert nuntzzig vnd vier jar.