Ich^a) Berhtolt vom Stain¹ ritter ze Marhtal² gesêssen vrkund vnd vergich offenlich mit disem brief L vnd tun kunt aller menglich, wan daz ist, daz mir der erwirdig herr min herr der abt des erwirdigen L gotzhus ze sant Gallen³ sant Benedicten ordens in Costentzer bystum gelegen, der an alles mittel vndLertanig ist dem stul ze Rôm, fur sich vnd fur all sin nach komenden mit siner closterherren willen vnd gunst die gnâd getan hât, daz er den erwirdigen gaistlichen herren dem prost vnd dem conuent gemainlich des gotzhus ze Marhtal⁴ vnd allen iren nachkomenden geaigent hât daz holtz, daz man nempt den Zwikenbuhel⁵, vnd allu minu lut vnd guter, was ich vff disen hutigen tag, als datum diss briefs lutet vnd sait, ze Rutlingen⁶ dem dorf by dem Bussen⁷ gelegen iendert gehebt hân mit allen rehten vnd zu gehorden, daz alles vor von im lehen gewesen ist, vnd daz ich in fur aigen ze kôffent gêben hân mit des vorgenanten mines herren des abts ze sant Gallen gutem willen vnd gunst, als sy des ôch von im ainen guten brief hând. Vnd dar^b) vmb so hân ich der vorgenant Berhtolt vom Stain ritter fur mich vnd fur all min erben vnd nachkomenden mit wolbedâhtem sinne vnd mut vnd mit allen den dingen, als es nach reht vnd nach gewonhait wol kraft vnd maht hât haben sol vnd mag ietz vnd hie nach an allen stetten vnd vor allen luten vnd gerihten gaistlichen vnd weltlichen, disu hie nach gesch(ribnen) guter ze Teppenhusen⁸ gelegen, du vor min reht aigen gewêsen sint, von dem erwirdigen minem herren dem abt des gotzhus ze sant Gallen vnd von allen sinen nachkomenden vnd von dem selben gotzhus ze sant Gallen an der erren lut guter vnd holtzer stat ze lehen gemachet mit allen iren rehten vnd zu gehorden mit kraft diss briefs. Vnd sint diss du guter ze Têppenhusen gelegen, item der hof, den Boltzly ietz buwet, item der hof, den der Wêber ietz buwet, vnd den hof, den Rupp ietz buwet. Vnd vergich ôch ich der obgenant Berhtolt vom Stain ritter vnd verbind mich ôch des fur mich vnd fur all min erben vnd nachkomenden mit disem brief, daz ich vnd all min erben vnd nachkomenden nun furo mer hie nach allwêg die vorbenempten min dry hof ze Teppenhusen gelegen mit allen iren rehten vnd zugehorden ze lehen enpfahen sullent nach lehens reht von dem vorbenempten minem herren dem abt des gotzhus ze sant Gallen vnd von allen sinen nachkomenden, wêr denn ie abt des selben gotzhus ze sant Gallen war, an all widerred an all geuard. Vnd ze ainem wâren vrkund aller vorgesch(ribner) ding so hân ich der obgenant Berhtolt vom Stain ritter fur mich vnd fur all min erben vnd nachkomenden min aigen insigel offenlich gehenkt an disen brief. Der geben ist an sant Angnesen tag in dem iâr, do man zalt von Crists geburt druzehen hundert jâr vnd dar nach in dem sechs vnd nuntzigostem jâr. Dar zu haben ôch wir die hie nachgeschribenn Berhtolt vom Stain von Richenstain⁹ ritter vnd Hainrich der Wichsler wir baid durch des obgenanten herr Berhtoltz vom Stain von Marhtal ernstlicher bêtt willen ze ainer zuknust aller vorgesch(ribnen) ding vnsru aignu insigel ôch offenlich gehenkt an disen brief vns selber vnd vnsern erben an schaden.