Honorabili^b) viro^c) domino officiali Curiensi Cuno dei gracia abbas monasterii sancti Galli¹ ordinis sancti Benedicti salutem et sinceram in domino caritatem. Noveritis, quod nos in omnibus et singulis causis, L quam vel quas movemus seu movere intendimus personis quibuscumque et specialiter Vlr. de Schalûn², Jodoco et Hainr. Summur fratribus, Andonio de Fadill² et uxori legitime Conr. L Kessler de Bludentz³ seu que nobis moventur seu movebuntur personis ab eisdem nomine monasterii nostri predicti coram vobis honorabiles et discretos viros dominos Johannem Lutpreht L scolasticum⁴, Johannem Guderscher et Elyam Knorren canonicos ecclesie Curiensis, magistrum Hainr. Huber⁵, Conr. Trittabas et Johannem Wildrich notarium nostrum iuratum nostros veros et legitimos constituimus facimus et ordinamus procuratores in solidum et nuntios speciales, ita quod non sit melior condicio occupantis, sed quod unus ipsorum inceperit, alter eorum prosequi valeat et finire, dantes ipsis et ipsorum cuilibet plenam et liberam potestatem nostro et monasterii nostri nomine agendi deffendendi excipiendi replicandi duplicandi triplicandi libellum seu peticiones quascumque offerendi et recipiendi litem contestandi iuris calumpnie seu cuiuslibet alterius generis sacramentum in animam nostram prestandi ponendi articulandi positionibus et articulis respondendi sentencias interlocutorias et diffinitivas audiendi ab eisdem quolibet alio gravamine appellandi appostolos petendi appellaciones prosequendi expensas quascumque petendi obtinendi et recipiendi necnon advocatos conducendi, prout eisdem et quolibet eorum visum fuerit expedire, alium seu alios procuratorem seu procuratores substituendi et eosdem revocandi, quando et quociens ipsis vel eorum alteri videbitur expedire, necnon generaliter omnia et singula alia faciendi, que veris et legitimis procuratoribus a lege vel a canone sunt concessa, etiam si talia forent, que mandatum exigant speciale, ratum et gratum habituri, quidquit per dictos nostros procuratores seu alterum eorum aut substitutum ab eisdem actum gestum ordinatum sive procuratum fuerit in premissis. Et ut dicti nostri procuratores constituti et substituti ab eisdem et quilibet eorundem a satisdacionis onere quolibet releventur, promittimus pro ipsis et ipsorum quilibet^d) iudicio sisti iudicatum solvi cum omnibus suis clausulis universis sub rerum nostrarum et dicti nostri monasterii omnium obligacione ypotheca. In quorum omnium et singulorum evidens testimonium sigillum nostrum abbaciale presentibus duximus appendendum. Datum et actum in monasterio nostro predicto anno domini millesimo trecentesimo nonagesimo sexto, decimo kln. mensis maii, ind. quarta.