Allen^a) den, die disen brief ansehent oder horent lesen, kunden dis nachgenanten Johans vnd Hans vnd Haini die Brisi gebruder von Hagenwille¹, die alle drie mit vnsern L liben des gotzhus ze sant Gallen recht aigen syen, vnd veriehen offenlich mit disem brief fur vns vnd fur alle vnser erben, alz der hohwirdig furst vnser gnadiger L herr Cun von gottes gnaden abt des gotzhus ze sant Gallen² vnsern lieben bruder Vlin Brisi genant Vasi vmb etwaz fraflin vnd vberuarentz wegen, so er beganLgen hatt, ze Iberg³ in den turn hertklich hat in vangnust gehebt, vsser demselben turn vnd vangnust er in aber nu von vnser ernstlicher bet wegen gelassen hat, da bekennen wir, daz wir denselben vnsern bruder also vsser derselben vangnust vssgewunnen haben, alz hie nach geschriben stat. Des ersten, daz wir alle drie gelert aid liblich ze den hailgen vnbetwngenlich gesworn haben, daz vnser dehainer noch nieman von vnsern wegen dieselben vangnust gen nieman niemer mer geafren sollent vnd och nieman dar vmb noch von des wegen niemer gehassen noch gefehen sollent in dehain wis noch weg an geuard. Item daz der egenant vnser bruder an stett fur ain offen gericht, wa es dann der obgenant vnser herr oder sin amptlut vordrent, gan sol vnd da ainen aid liblich ze den hailgen schweren sol, daz er och dieselben vangnust vnd sach gegen ieman niemer mer in dehain wis geafren sol vnd och nieman dar vmb iemermer gefehen noch gehassen sol noch daz nieman bitten noch erloben ze tunt. Vnd daz er bi dem selben aid, so er schwerent wirt, dem obgenanten abt Cunen vnserm gnadigen herren noch sinen nachkomen noch dem obgenanten gotzhus ze sant Gallen niemer fluhtsam noch abdrunig werden noch dem selben gotzhus sinen lib noch sin gut ligendes oder varendes, so er ietz hat oder hienach iemer gewinnet, nit entfromden noch entfuren noch entflohnen sol. Vnd daz er och in dehainer statt noch niendert anderswa dehain burgerrecht seldnerrecht landrecht vogtrecht noch dehainen fromden schirm vber sin lib noch vber sin gut nit enpfahen noch an sich meman^b) sol an des obgenanten vnsers gnadigen herren abt Cunen oder siner nachkomen gunst vnd vrlob. Item vnd waz derselb Vli vnser bruder zu dehainen luten, es sient frowen oder man, die dem obgenanten gotzhus ze sant Gallen zugehorent wa^c) och gesessen sint oder wie si genant oder gehaissen sint, von dehainerlay sach wegen ze schaffent hat oder hie nach ze schaffent oder zu inen ze sprechent gewinnet, daz er dar vmb recht von inen allen vnd von ir ieklichem besunder vordren vnd nemen sol vnd sich och des rechten sol lassen benugen an den stetten vnd vor dem amman, da dieselben lut, zu den er dann ie ze sprechent hat, hin ze gericht horent, vnd si niendert anderswa hin triben noch an recht nit bekumbern sol. Vnd wer och vtz zu im ze sprechent hat oder gewinnet, daz er dem och zu dem rechten stan vnd dar vmb rechtes gehorsam sin vnd gestatten sol an den stetten vnd vor den gerichten, da in der obgenant vnser herr sin nachkomen oder ir amptlut daz haissent tun, an geuard. Vnd beschach aber, da got vor sye, daz der obgenant Vli Ffasi diser vorgeschribnen stuk aines oder mer dehainost vberfur vnd sin ere vnd sinen aid also dar an vbersach, so syen wir die obgenanten Johans vnd Hans vnd Haini die Brisi alle drie gemainlich vnd vnuerschaidenlich vnd alle vnser erben, so wir enwarent, dem obgenanten vnserm gnadigen herren abt Cunen oder sinen nachkomen dar vmb ze buzz vnd ze bessrung veruallen vnd gebunden ze gebent vnd vsszerichtent vnuerzogenlich, wenn si daz an vns oder an vnser erben oder an die nachgeschribnen burgen vordrent, dar nach in wendig zwain manoten den nahsten viertzig pfund pfenning alles guter vnd genamer Costentzer muns oder ie zwen gut geng vnd gab haller fur ainen pfenning, es war dann, daz wir oder die burgen oder vnser dehainer den obgenanten vnsern bruder Vlin Vasin in wendig den nahsten zwain manoten nach dem, so er vberuarn hetti, wider antwrtent dem obgenanten vnserm gnadigen herren oder sinen nachkomen in die band gen Iberg, dar inne er ietz gelegen ist. Wenn daz also beschach inwendig den selben nahsten zwain manoten, so solten wir vnd vnser erben vnd die nachgeschribnen burgen vmb die vorgeschribnen viertzig pfund pfenning gantzlich an stett ledig vnd los sin an geuard. Vnd dar vmb, daz der obgenant vnser gnadiger herr abt Cun vnd sin nachkomen, war ob es also ze schulden kam, der obgenanten viertzig pfund pfenning dester sicher vnd gewisser sient, so haben wir inen dar vmb zu vns vnd vnsern erben ze rechten burgen geben vnd versetzt dis nachgeschribnen erber man iro ieklichen besunder vmb souil geltz, alz hie nach beschaiden ist. Des ersten Rudi Zippen vmb zwai pfund, item Hansen Moser von Zukkenried⁴ vmb ain pfund, item Cunin Raiffer ab dem Bul⁵ vmb ain pfund, item Rudin Altenrieter von Rikkenbach⁶ vmb ain pfund, item Hansen Rotlieb von sant Gallen genant Magginggerli vmb ain^d) pfund, item Cunin Hanswille vmb ain pfund, item Vlin Wenken ab der Lad⁷ vmb ain pfund, item Hainin Tobelman vsser Stainertal⁸ vmb ain pfund, item Vlin ab dem Tobel⁵ vmb ain pfund, item Clausen Karrer von Zilschlatt⁹ vmb ain pfund, item Cunin Schalkhuser den jungern vmb ain pfund, item Cunin Tobelman vsser Stainertall vmb ain pfund, item Bertschin von Rotaflu¹⁰ vmb ain pfund, item Cunin Zimerman vsser Stainertal vmb ain pfund, item Vlin Zimerman sinen bruder vmb ain^d) pfund, item Rudin Signer von Wolfertswil¹¹ vmb ain pfund, item Hansen Gebur von Rikkenbach vmb ain pfund, item Hainin Schwapplin vmb ain pfund, item Cunin Ahmuller von Stain¹² vmb ain pfund, item Johansen Tuner von Emtzeswille¹³ den jungern vmb ain pfund, item Hansen Richen von Wil¹⁴ vmb ain pfund, item Hainin vzz Getzental⁵ vmb ain pfund, item sinen bruder Vlin vmb ain pfund, item Jaklin Struz ab dem Schonberg ⁵ vmb ain pfund, item Hainin Grobli von Waltenswilla¹⁵ vmb ain pfund, item Bernharten Koch von Wattwill¹⁶ vmb ain pfund, item Hainin Ragentz von Schamaten⁵ vmb ain pfund, item Hainin Sigi von Liehtenstaig¹⁷ vmb ain pfund, item Cunin Suter von Howart¹⁸ vmb ain pfund, item Hainin Husler von Wil vmb ain pfund, item Walthern Wirt von Wattwil vmb ain pfund, item Bernharten Suter von Howald vmb ain pfund, item Vli Guller von Nassen¹⁹ vmb ain pfund, item Rudi Zezenruti von Helfentswille²⁰ vmb ain pfund, item Walti Bichwille vmb ain pfund, item Haini von Bichwille²¹ vmb ain pfund, item Cunrat Landenberg vmb ain pfund, item Hans Horner vmb ain pfund, item Cunrade Aichorn vmb ain pfund, item Hanni Rotenflu vmb ain pfund, item Rudin Spengler von Batzenhait²² vmb ain pfund, alles guter vnd genamer pfenning der obgenanten muns. Mit solicher gedingd beschaidenhait vnd in dem rechten, beschach daz wir oder vnser erben dem obgenanten vnserm gnadigen herren oder sinen nachkomen die obgenanten viertzig pfund pfenning, war ob es also ze schulden kam, nit vssrichtent in der wis, alz vor beschaiden ist, so hetti der obgenant vnser herr abt Cun oder sin nachkomen vollen gewalt, die obgenanten burgen iro ieklichen besunder an zegriffent vmb souil geltz, alz er burg ist vnd alz hie vor beschaiden ist, an geuard. Vnd giengi im der obgenanten burgen dehainer ab von todes wegen oder suzz her zu vnnutz wurd, von welherlay sach sich daz fugti, so sollent wir oder vnser erben im oder sinen nachkomen allweg, wenn daz an vns oder vnser erben geuordrot wirt, dar nach in wendig vierzehen tagen den nahsten ie ainen andren burgen an des abgangnen statt geben vmb souil geltz, alz vmbuil der err burg waz, an allen furzug vnd widerred an geuard. Taten aber wir daz nit also, so sollent wir vnd die obgenanten burgen dann zestett der vorgeschribnen viertzig pfund veruallen sin in glicher wis, alz ob der obgenant Vli Vasi vnser bruder die obgeschribnen stuk vberuarn hetti, an geuard. Kament och die vorgeschribnen burgen von diser burgschaft ze dehainem schaden, dar von sollent wir vnd vnser erben si ledgen vnd losen vnd gantzlich vnschadhaft machen an widerred. Dar nach veriehen wir obgenanten burgen alle sament, alz wir hie vor geschriben stant, ainer gantzen warhait aller vorgeschribnen ding vnd daz wir in aller^e) vorgeschribenn wis dis burgschaft gelobt haben, an geuard. Vnd des alles ze warem offem vrkund vnd ze ainer staten sicherhait so haben wir obgenanten Johans vnd Hans vnd Haini die Brisi vnd die ain vnd zwaintzig ersten burgen hie vor geschriben von Rudin Zippen vntz an Hainin vzz Getzental erbetten den fromen Johansen Aster, vnd haben wir die zwaintzig iungsten burgen hie vor geschriben von Hainin vzz Getztal vntz ze end vss erbetten den fromen Rudin Huber burger ze Liehtenstaig, daz si iru insigel fur vns offenlich gehenkt hant an disen brief, des och wir ietzgenanten Johans Aster vnd Rudi Huber offenlich veriehent, daz wir von der obgenanten lut wegen vnd^f) won^b) ir bett vnsru insigel doch vns vnd vnsren erben vnschadlich offenlich gehenkt haben an disen brief. Der geben ist ze Liehtenstaig an dem nachsten samstag vor sant Vlrichs tag, do man zalt von Cristi geburt druzehenhundert vnd nuntzig iar, dar nach in dem sehsten jar.