Wir^a) der burgermaister vnd der rat gemainlich der statt ze sant Gallen tun L kunt aller manglichem mit disem brief, das vns der ersam Johans von L Swartzach¹ burger ze Costentz vff disen huttigen tag, alz dirre brief geben L ist, an statt vnd in namen des edeln wolerbornen herren grâf Hainrichs von Montfort herren ze Tetnang² vnd von sinen wegen gewert vnd bezalt hat hundert vnd zehen Rinscher guldin guter an gold vnd swar an gewiht, vnd darumb so sagen vnd lassen wir fur vns fur alle vnser erben vnd nachkomen den obgenanten Johansen von Swartzach vnd alle sin erben vmb die vorgedahten hundert vnd zehen Rinscher guldin quitt ledig vnd los mit disem brief. Vnd des ze warem vrkunde so haben wir der burgermaister vnd der rat ze sant Gallen vnser stat insigel ze end dirre geschrift getrukt vff disen brief. Der geben ist ze Costentz an dem nahsten donstag nach sant Hylarien tag anno domini M^mo CCC^mo LXXXX^o septimo.