Wir Fr.1 etc. tun kunt, daz wir die edeln grefin Kungunden von Montfort von Toggemburg² mit aller ir hab leutten vnd gutern in vnsern sundern scherm emphangen vnd genomen haben nemen vnd emphahen auch wissentlich mit dem brief, also daz wir si vnd die iren gegen meniklichem schirmen halten vnd versprechen sullen vnd wellen zu dem rechten als ander die vnsern, dauon emphelhen wir dem edeln vnserm lieben ohem vnd lantvogt graf Hannsen von Luphen³ oder wer ye vnser lantuogt ist vnd auch allen andern vnsern vogitten schulthaissen amptleutten vnd vndertanen, den der brief gezaigt wirdet, daz si in die egenant grefin mitsambt allen irn leutten vnd gutern getrewlich lassen empholhen sein vnd sy von vnsern wegen vesteklich halten vnd schirmen vnd nicht gestatten, daz ir an irn leutten vnd gutern yemand dhain laid irrung oder inuell tu wider recht, daran tun si genczlich vnser maynung. Dat. in Schafhusen⁴ ut supra.