Wir^a Fridrich von gotes gnaden hertzog ze Osterrich¹ ze Steyr ze Kernden vnd ze Krain graf ze Tyrol etc.||
embieten den erbern weisen vnsern lieben besundern .. dem burgermaister vnd dem rate ze Costentz vnsern||
gruss vnd alles gut. Als ew wol ze wissen ist, daz die von Appentzell² vnd ander vnser veynde sich mit||
irer macht fur vnser stat Altsteten³ geslagen habend, tun wir ew kund, daz wir gedacht haben, sy da dannen mit der hilff gotes zu slahen vnd auch dabey mit vnser selbs leib zu sein. Vnd haben darauf vnserm lantu[ogt]^b vnd getrewen edeln vnd vnedeln emboten darvmb vns dartzu mit gantzer macht ir hilff zetun, also daz sy auf den donrstag nêchst kunftigen bey vns in ewrer [stat]^b zu Costentz sein an alles vertziehen vnd da dannen mit vns derrichts hinauf zu ziehen. Dauon begern wir auch an ewr erberkeyt mit vollem vnd gantzem getrawen vnd ernste vnd manen ew auch, wes wir ew von wegen der buntnuss vnd freuntsch(af^t, so wir mit ainander haben, gemanen mugen, daz ier ew darauf schikchet, daz ier denn auch mit ewrer macht, so ier sterkchest muget, berayt seyt, an all aufschub vnd vertziehen mit vns auf vnser veynd zu ziehen, vnd vns beholffen seyt, sy von solhem besezz zu slahen vnd sy zu laydigen, nach dem vns vnd ew fuglich bedunkchen werd. Vnd getrawen ewrr weisshait wol, ier seyt des fleissig, daz ier ew also nach gelegenhait der sache dartzu ordenlich vnd wol zu richtet, wan ier wol versteet, wahin das vns vnd ew rayhet. Vnd haben vns auch auf solich ewr hilff gentzlich verlassen vnd wellen auch das vmb ewr freuntschaft hinfur besunderlich verschulden, als das wol billich ist. Geben zu Schafhusen⁴ an mentag in den phingstueyrtegen anno domini millesimo quadringentesimo quinto. D(ominu^s dux per advoc(atu^m.