Fridreich von gots gnaden herczog ze Oster(ric^h2 etc. Lieben getrewen, ewrn brief, darin ir vns von des schaden wegen, den wir an den vnsern laider genomen||
haben nu am lesten ze Altstetten³, beklagt, haben wir wol vernomen, vnd versteen dabey, daz ew vnser||
laid laid ist vnd kumer bekumert, als ew das von trewen, so ir zu vns haben sullet, wol gepuret, vnd||
als wir ew des auch genczlich getrawen. Vnd dankchen ew solhs ewrs beklagens. Aber wiewol wir bey guter jugent vnd solher missuell vnd trubsal vngewon sein vnd nyemer geliten haben, so versteen wir dennoch wol, daz man bey solhem zukomen vnd veyntlichen sachen ob vnd nidergeligends gewaren muss. Dauon haben wir auf solhen vnsern vnd der vnsern missuallen masse, so wir best mugen, vnd dingen hincz got, wir sullen vns des mit gotes vnd ewrer vnd andrer der vnsern hilf noch wol werden derholn, damit wir vnd auch ir vnd ander vnser getrewen vnsrer belaidigung werden ergeczt. Geben ze Schafhusen⁴ an freytag nach sant Johanns tag ze sunwenden anno etc. quadringentesimo quinto. D(ominu^s d(u^x per m(agistru^m cur(i^e.