Item ain allter koff brieff, wie Johanns Äster zu zitten schulthais zu Wyl¹ bekennt, das für inn in gericht komen sig Cuni Buwyl burger zu Wyl, der selbig hab Hannsen Luttenegger genant Rimli vmb XIIj lib. dn. zu kouffent geben ain acker zu Wyl ob der Plaiche² in Manenstal³ gelegen, als der vnder zilet vnnd ain tayl daran vom gotzhus lehen ist. Des brieffs anfang stat: Allen, die disen brieff an sehent oder hörent lesen, kund ich Johanns Aster schulthais zu Wyl, vnnd sin datum: Der geben ist an der nechsten mittwuchen vor sannt Niclaus tag, do man zalt von Cristi geburt XIIIIc jar vnd dar nach im V. Jar.