Ich graf Herman von Sultz¹ lantuogt etc. embut den fursihtigen wisen||
burgermaistern vnd rat ze Fryburg² min dienst. Von dez mutwillen vnd||
vnrechten wegen, so die Appentzeller vnd ir gehilffen tund miner gnedigen||
herschafft von Osterr(ic^h etc. iren landen^a vnd luten, alz ir wol wissent, darumb ich uch vor vmb helff gebetten vnd gemant hett, dz ir aber noch nit getan hand, dz mich vmbillich nimpt, bitt empfilh vnd manen ich uch mit ernst mit dem brief, alz hoh ich dz tun sol vnd mag, by den aiden, so ir miner gnedigen herschafft von Osterrich etc. vnd mir gesworn hand an statt vnd in namen der selben miner herschafft vnd min selbs, dz ir dry glafen wol gerust selb nund pfert vff den ahtoden tag ze wihenahten nehst kunftig ze Frowenfelt wellent haben da ze lantwer ze ligent vntz vff mitfasten ouch nehst kunftig vnd dez nit lassent, alz ir dez pflihtig vnd gebunden sint zetund. Tund, alz min herschafft vnd ich uch sunder wol getruwen, wan dz not tut, dz ich uwer vngehorsami miner herschafft nit furbringen muß. Ze vrkund diser manung besigelt mit minem aigen vffgedrukten insigel. Geben an^b frytag post Lucye anno etc. CCCC septimo.