Hern Lienharts von Jungingen¹ vnd her^a Hannsen von Bodman² clag. Des ersten daz vnser herr von Osterreich³ vns schuldig ist sechstausent newnhundert lxiiij R(hinische^r gulden vnd XXVII duc(ateⁿ von vnserr dienst fur purkhut von zerung vnd von scheden wegen, so auf der Appenczeller⁴ krieg gangen sint, als sich das mit rechter rechnung funden hat nach weisung des haubtbriefs, den wir von im darumb innhaben, des guts wir ob Me gulden scheden genomen haben mit zinsen, so wir dauon geben haben vnd mit andern sachen, als wir das wol erzelen kunnen, wenn es notd(urfti^g wirdt, an der vorgenanten summ haben wir im IIIM gulden par gelihen, das ander haben wir vmb in verdienet vnd an costen dargeleit, den wir von seinen wegen gehebt haben. Auch ist vns der obgenant vnser herr hertzog Fridrich schuldig bey VIc lib. hll., damit wir die vest Twingenstain⁵ verkostet haben, als wir die in der Appenczeller krieg gewunnend vnd sy von desselben vnsers herren von Osterreich wegen drew jar in vnserm kosten innhattend, das alles die obg(enant^en verraiten summ nicht angat, vnd haben im auch erst dieß vest nach der obg(enant^en rechnung zu seinen handen ingeantwurt, des guts wir auch grossen schaden genomen haben, als wir das wol erzelen kunnen, wenn es ze schulden komt. Auch sein wir von seinen wegen haft gen dem von Tokhemburge⁶ vmb ain summ gelts, als er das wol sagen kan, dieselb schuld aufgelawffen ist von leistung wegen, vnd rurt her von graf Hawgen von Bregentz⁷ vnd weilent seiner gemaheln, die aine von Tokhemburg⁸ gewesen ist, dieß laistung mein herr von Osterreich solt bezalt haben, also sey wir von vnsers herren von Osterreich emphelhens wegen hinder die schuld vnd leistung gen den von Tokhemburg gangen vnd haben im des vnsern brief geben vnd vnserm herren von Osterreich den seinen damit heraus gelost. Da bitten wir sein gnad, daz er vns gen dem von Tokhemburg ledig mach vnd vns vnsern brief herauss schaff.