Wir Fridreich¹ etc. tun kunt, daz wir vnserm getrewen Petern Mayr vnserm schulthaiss ze Raperswil² vmb sein getrew dienst, die er vns stettiklich tut vnd noch infur wol getun sol vnd mag, ain solch gnad getan, wenn es ze schulden kompt, daz die kirch Jonan³ bey Rapersweil vnser lehensch(af^t am nachsten ledig wirdet, daz denn wir oder vnser lantvogt, ob wir inner landes nicht enweren, die Rudin sein sun vor allermeinklichen verleihen vnd in darzu presentieren wellen vnd auch in dabey vor allermenklich hanthalten vnd schirmen getrewlich vnd an geuerd. Wer es aber, daz wir yemer anderm von vergessens wegen dhainerlay brief darumb geben, der datum junger wer denn diser brief, die sullen kain craft han noch dem egenanten Rud(iⁿ an diser vnser gnad vnd verschreibung kainen schaden bringen an geuerd. Mit vrk(un^d. Geben Schafh(useⁿ4 CCCC VIJmo.