Wir^a grâf Wilhelm von Mondfort herr ze Bregentz¹ tun kunt vnd veriechen||
offenlich mit disem brief, das wir mit dem landamman gemeinen lantLluten des landes ze Switz² vnd mit allen iren helffern vnd dienern vnd||
dien, die zu inen gehaft sint, vsgelassen die von Appenzell³ vnd den bund ob dem Bodense⁴ vnd die knecht, so von ir eidgnossen vnd irem land nu ze mal bi dem selben bund sint, einen guten getruwen frid vfgenomen hand fur vns alle die vnsern helffer vnd diener vntz vff den nechsten sunnentag ze mittervasten, so nu kunt nach datum ditz briefs, vnd den selben tag allen vngefarlich. Vnd des ze einem waren vrkund so haben wir obgenanter grâf Wilhelm vnser eigen insigel ze ende diser geschrift offenlich getruket vff disen brief. Der geben ist an dem nechsten cinstag nach der alten vasnacht anno domini millesimo quadringentesimo octavo.