Wir^a Ruprecht von gots gnaden Romischer kunig zu allen ziten merer des richs bekennen vnd tun kunt offinbar mit diesem||
brieue allen den, die yn sehent oder horent lesen, das wir haben angesehen getruwe vnd danckneme dinste, die die burgermeistere||
der rad vnd die burgere gemeinlichen der stad zu Costencz vnsere vnd des richs lieben getruwen vns vnd dem heiligen riche willeLclich erczeuget vnd bewiset hant, nemlichen mit solicher vestekeit, als si vns vnd dem heiligen riche zu eren vnd dem adel vnd der gemeinen ritterschafft zu hulffe den Appenczellern³ vnd yren eydgnoszen, die sich zu yn verbunden hatten, vnd fursten grauen herren rittere knechte stiffte cloistere vnd geistliche lute vnderstunden von iren landen luten vnd gutern zu dringen vnd zu uertriben, so vesteclichen vnd herteclichen widderstanden sint, vnd vmmb des willen, das wir sie vns vnd dem heiligen riche hinfur zu dienen deste williger vnd bereiter finden vnd haben mogen vnd das sie auch sehen vnd befinden, das wir soliche truwe vnd dinste gein yn nit vnbedacht wollen laszen sunder gnedeclichen bedencken, so haben wir den obgenanten von Costencz die besunder gnade getan vnd tun yn die auch fur vns vnd vnsere nachkomen in crafft dissz brieues vnd Romischer kuniglicher mechte vollenkomenheit vnd wollen, als sie furmals vnsern vorfaren Romischen keisern vnd kunigen vnd vns eins iglichen jars sehshundert pfund heller von des richs wegen zu yrer rechten vnd gewonlichen sture geben haben, das sie furbaz die nehsten zehen jare nach datum dissz brieues nach eynander volgende eins iglichen jars zu derselben yrer rechten vnd gewonlichen sture nit mee dann viere hundert pfund heller antwurten vnd beczalen sollent. Orkund dissz brieues versigelt mit vnser kuniglicher maiestat ingesigel. Geben zu Costencz nach Cristi geburte vierczehenhundert jare vnd darnach in dem achten jare an dem andern tage des apprillen, vnsers richs in dem achten jare.