Frater Adam miseracione diuina episcopus Gabullensis plenas vices gerens domini Ernesti archyepiscopi Pragensis per totam suam dyocesim vniuersis in Christo fidelibus presentes litteras inspecturis salutem in omnium saluatore. - Loca sanctorum et maxime religiosorum, vbi salus animarum viget et consolacio peccatorum, pia deuocione a Christi fidelibus sunt veneranda, vt dum deum (sic) honoramus amicos, ipsi nos amabiles deo reddant, et illorum nobis quodammodo vendicantes patrocinium, quod merita nostra non optinent, eorum mereamur intercessionibus obtinere. Cupientes igitur vt monasterium beate virginis Marie in Altovado deuotorum in Christo religiosorum ordinis Cysterciensis congruis honoribus ac deuotis orationibus frequentetur, et vt premia celestis gratie populus fidelis et credulus obtineat et ex hoc sibi prebeatur larga remissio peccatorum, omnibus vere penitentibus confessis et contritis, qui ad ecclesiam siue monasterium beate virginis Marie in Altovado dominorum religiosorum ordinis Cysterciensis causa deuocionis accesserint, in omnibus Christi festiuitatibus et festiuitatibus beate virginis Marie nec non et in fastiuitatibus omnium apostolorum et in die patroni et omnium patronorum eiusdem ecclesie et in dedicacione eius et per octauas eiusdem dedicacionis confisi,de misericordia dei omnipotentis et beatorum apostolorum Petri et Pauli et auctoritate nostra xl^a dies de iuiuncta penitencia indulgencie in domino misericorditer relaxamus. In cuius rei testimonium presens scriptum fieri et sigilli nostri munimine fecimus roborari. - Datum anno domini M^o CCC^o xl° vj^o viij^o Kla. Nouembris. Pontificatus nostri anno secundo.

Source Fulltext: PANGERL, Stift Hohenfurth (=FRA II/23, Wien 1865) S. 87-88