In dei nomine amen. Cunctorum periit memoria gestorum, nisi testibus et scriptis publicis bene sint roborati. Ego igitur Conradus de Troyanow natus Gregorii militis olym de Herslag tutor legittimus orphanorum Jesconis pie meinorie dicti Swietlyk recognosco vniuersis et singulis tenore presencium tam presentibus quam futuris, quibus nosse fuerit oportunum seu presens scriptum ostensum, quod bona cum deliberacione sana mente et maturo amicorum meorum consilio propter vtilitatem et commune bonum orphanorum cupiens omnia et singula dampna, que ipsis solucionis dotalicii causa possent euenire quouis modo in futuro dotalicium, quod Sobyessynus vitricus ipsorum mortua matre habere stricte requirit, curiam Ostrowe wlgariter dictam cum bona et valenti aratura et villam, in qua eadem sita habetur, necnon et aliam villam Klesczin nomine wlgari nuncupatam, que dinoscitur prope in vicinatu esse situata ville seu curie iamdicte, hereditates quarum se suis contingunt limitibus differenciis atque metis duo molendia, et censum in eisdem villis sex sexagenarum xx^ti vque grossorum Pragensium et quinque denariorum Wiennensium certum et perpetuum vna cum pascuis pratis rubetis siluis riwlis piscacionibus et aliis singulis iuribus ad ipsam curiam et villas predictas spectantibus vendidi rite et rationabiliter vero vendicionis tytulo venerabili ac religioso viro domino Henrico abbati Altovadensi totique conuentui pro centum xx^ti vii sexagenis grossorum Pragensium et sexaginta denariis Wyennensibus iure quolibet tenendas et possidendas, quo orphani predicti paterna successione tenuerunt et possederunt, quas quidem peccunias michi et dictis orphanis recongnosco (sic) per dominum abbatem iamdictum et conuentum esse persolutas integraliter et ex toto, de quibus peccuniis dotalicium ad matrem orphanorum deputatum scitu proborum virorum quam plurimorum Sobyessyno ipsorum vitrico expediui solui omnino et pagaui, promittens bona fide omni dolo ac fraude procul motis vnacum fratribus meis, videlicet Benessyo de Herslag et Nycolao de Perny, manu coniuncta in solidum, predicta bona secundum ius terre Boemie more solito tamquam veri disbrigatores et legittimi contra prefatos orphanos et quemlibet hominem cuiuscunque fuerit status et condicionis, disbrigare et ab vniuersis inquietacionibus fideliter libertare. Eciam indiuisi omnes simul nos disbrigatores iamdicti promittimus sub fidei nostre obligacione et consciencia, si orphani prescripti ad annos cum creuerint et deuenirent maturos, proprio motu vel induccione cuiuscunque pro bonis huiusmodi ipsum abbatem et conuentum inquietarent modo quocunque vel inquietare vellent, et spondemus ab omni inquietacione tali annis tribus integris et tribus diebus ipsum dominum abbatem et conuentum liberare solutum facere supradictum, sibi et conuentui fideliter in nullo promissum nostrum sinistre mutando singula et omnia disbrigantes. Quod si non fecerimus et hoc quacqunque leuitate negligentes, quod absit, extunc quilibet nostrum cum duobus equis et vno famulo inmediate post inquietacionem in ciuitate Rosemberg aput honestum virum in domo, quenobis per sepedictum abbatem aut conuentum fuerit deputata, obstagium ab olym consuetum prestare debet et tenetur et inde nullatenus exire, quovsque de singulis omnibus et vniuersis dampnis, que sine iuramento super consciencias ipsorum propter causas rei huius premisse se dixerint percepisse, fuerit satisfactum et peccunia capitalis integra in numero, vt premittitur, ipsi abbati et conuentui fuerit omnino persoluta. In cuius rei euidenciam et robur perpetuo valiturum presens littera sigillis predictorum disbrigatorum, scilicet Conrady de Troyanow Beneschii de Herslag et Nycolay de Perny, existit roborata. Nos quoque Petrus de Rosemberg Troyanus de Brzyezie et Marquardus de Porzessyn in testimonium omnium premissorum sigilla nostra presentibus duximus appendenda. Datum anno domini millesimo trecentesimo septuagesimo secundo in festo sancte Prisce virginis gloriose.

Source Fulltext: PANGERL, Stift Hohenfurth (=FRA II/23, Wien 1865) S. 153-154