Inuentorium vnius abbatis *). Nos frater Johannes dictus abbas in Wilhering anno domini M^o CCC^mo lxxiii. in die purificacionis beate Marie assistente nobis venetrabili coabbate nostro domino Petro de Cella Angelorum abbatiam in Altovado filiam nostram predilectam visitantes ac domino Henrico dicto Pukasser regimini abbatie voluntarie cedente dominum Ottonem quondam cellerarium sibi canonica eleccione precedente substituenes talem invenimus et reliquimus statum domus eiusdem. Primo expense receptis per omnia correspondebant preter ix lib. cum media lib., quos (sic) habebant pre manibus; vini et bladi sufficienciam vsque ad noualia; debita nulla. Item in peccoribus habebant primo in Hodanicz boues xii vaccas ix thauros iiii juuente ii vituli vii porci xxiiii (sic). In Horicz boues viii equi iii vace x thauri iii vituli iii porci xiiii oues xviii agnelli (sic). In curia "ad piscatores“ vacce xii thauri v^que et juuenta et vituli v^que porci ix equi vque boues vii. In Nesselpach boues iiii equi ii vacce ii thaurus i oues ix. In "curia vaccarum“ boues viii vacce xvii vituli iiii thaurus i equi ii. In Rukenhof boues xiiii equi ii vacce vi thauri iiii vituli iii juuente iiii. In "curia caprarum“ boues vii equus i vacce ix juuente iii thauri ii vituli ii. Item in Hodenicz sexingente oues. In quorum omnium euidens testimonium sigillum nostrum et coabbatis nostri de Cella Angelorum huic karte est appensum.

Source Fulltext: PANGERL, Stift Hohenfurth (=FRA II/23, Wien 1865) S. 156-157