Ego Proczko dictus de Rakow vnacum heredibus meis tenore presentium recognosco publice protestans vniuersis, quod matura deliberacione sanoque amicorum meorum consilio prehabitis ac de consensu et bona voluntate domine Juthe consortis mee dilecte de meis liberis hereditatibus villam integram Quassow dictam et tres incolas seu homines censuales in villa Korithy nunccupata cum agris cultis et incultis censibus emendis honoranciis robotis siluis rubetis promontoriis aquis aquarumve decursibus pratis pascuis communitatibus utilitatibus singulis juribus et prouentibus ac pleno dominio omnique libertate ab antiquo ad eam spectantibus, prout ipsa omnia in suis metis limitata sunt et distincta, nobi libus dominis Petro et Johanni de Rosemberg et ecclesie parrochiali in Rosemberch rite et legittime uendidi pro septuaginta sexagenis grossorum Pragensium denariorum jure hereditario ad habendum vtifruendum regendum possidendum perpetuis temporibus pacifice libere et quiete, velut egomet et antecessores mei eadem bona hucusque ornni cessante impedimento tenui et tenuerunt, quas quidem septuaginta sexagenas grossorum memoratas me fateor integraliter et ex toto percepisse. Volens igitur dictos dominos et ecclesiam in Rosemberch in huiusmodi empcione certos reddere et securos, ipsis amicos meos karissimos strennuos dominos videlicet Jaroschium de Styekna et Marchquardum de Poresching dictorum bonorum fideiussores et disbrigatores duxi statuendos, promittens nichilominus bona fide vnacum eisdem manu coniuncta indiuisim, eadem bona cum singulis suis pertinentiis superius ennarratis a quolibet homine ea impetente seu impetere volente disbrigare et omnimode libertare iuxta ritum et formani juris terre regni Boemie hactenus obseruatam. In casu vero, ubi dictum Proczkonem priusquam dominam Jutham conthoralem ipsius viam vniuerse carnis ingredi contingeret, extunc nos Jaroschius de Stiekna et Marchquardus de Porziessin fideiussores antedicti promittimus bona fide absque dolo dictam empcionem et bona post mortem ipsius Proczkonis a prefata domina Juta sorore nostra eo modo et jure, ut premittitur, libertare et disbrigare. Si vero, quod absit, eadem bona cum omnibus suis appendiciis superius expressis disbrigare et libertare non possemus, extunc de tot et tam bonis nostris liberis hereditatibus, provt dicta bona se extendunt, parte tercia superaucta prefatis dominis ac ecclesie in Rosemberch condescendere ipsosque desuper transducere promittimus et debemus omni occasione et contradictione procul motis. In casu, quo nos eciam in huiusmodi bonorum disbrigacione aut aliorum in tercia parte plus valentium condescensione contrarii essemus et negligentes, extunc ambo, quamprimum moniti fuerimus, quiuis cum vno famulo et duobus equis in ciuitate Chrumpnaw in hospicio nobis specialiter deputato obstagium debitum et consuetum tenebimur obseruare, in eodem tam diu continuantes, quousque omnia premissa vnacum dampnis exinde contractis, que legittime et probabiliter poterint demonstrari, totaliter per nos expleta fuerint et persoluta cum effectu. Nos quoque Jarosschius de Stieknye et Marchquardus de Poresching supradicti recognoscimus, nos esse veros et legittimos predictorum bonorum disbrigatores, promittentes bona nostra fide omnia et singula superius contenta dolo et fraude absentibus fideliter adimplere. Vt autem cuncta premissa in singulis suis punctis et clausulis rata peramneant atque firma, sepedictis dominis et ecclesie in Rosemberg presentes damus litteras nostrorum roboratas appensione sigillorum. Sub anno domini millesimo trecentesimo septuagesimo quinto die sancti Bartholomei apostoli gloriosi.

Source Fulltext: PANGERL, Stift Hohenfurth (=FRA II/23, Wien 1865) S. 167-168