Docente apostolo bonum facientes non dificiamus, tempore enim suo metemus. Dum ergo tempus habemus, operemur bonum ad omnes maxime autem ad domesticos fidei. Hinc est, quod ego Onso de Wlhlaw fidei commissarius germani fratris mei Nicolai felicis memorie de Wlhlaw tenore presencium profiteor vniuersis, quod sincere desiderans michi meisque progenitoribus thesauros inmarcescibiles in celestibus thesaurisare cultumque dei augere, de consensu et libera voluntate nobilium dominorum meorum Petri Vlrici et Johannis de Rozemberg nec non de consilio honestorum virorum domini Cunczmanni rectoris ecclesie et suorum parochialium in Stryczicz, qui ad hoc suum sufficiens subsidium in parata pecunia porrexerunt, donacionem infrascriptam, quantum in me est, feci et presentibus facio, vt plebanus ecclesie in Stryczicz deinceps vnum presbyterum ydoneum pro vicario perpetuo teneat, qui deo deseruiat et in suis orationibus nostri perpetuam habeat memoriam. Vt autem ipse plebanus talem sacerdotem tenere possit, sibi et ecclesie sue predicte de meis hereditariis et paternis bonis in remedium ipsius fratris mei Nicolai et meorum progenitorum et ob salutem meam do et presentibus resigno septem sexagenas cum sex grossis annui et perpetui census in villis Chrachczan et Tupess in plebe parochialis ecclesie in Nyemczicz situatis, videlicet in Chrachczan super sex laneosf quorum quinque lanei annuatim equaliter soluunt quilibet per quinquaginta grossos in toto, videlicet in festo sancti Georgii sedecim grossos et totidem in festo sancti Galli, citra vero festutn assumpcionis beate Marie pro robota per decem et octo grossos; sextus vero laneus in quolibet terminorum predictorum propter augmentum hereditatis soluit per viginti grossos, et illum laneum colunt Petrus et Nicolaus, secundum vero laneum tenet Mathias, tercium Blahut et Jessko, quartum Borso cum Nicolao, quintum Wytko, sextum Vrsus. Item Radussko ibidem vndecim grossos. In villa vero Tupess Laurencius tenet septem.quartalia, de quibus annuatim in terminis consuetis soluit centum et quinque grossos, specialiter eciam in villa Niemczicz predicta quadraginta octo grossi (sic) in vno laneo, quem tenet Andreas dictus Zagiecz, et idem soluit sex grossos de alia hereditate sua, quam ibidem possidet. Pretacte ecclesie in Stryczicz dono et assigno pro lumine perpetuo, quod ante corpus domini instaurari debet et foueri die noctuque, ne temerarie extingwatur, et predictus plebanus ad supplendam sexagenam pro dicto lumine a Raduskone in Chrachczan sex grossos recipiendo singulis annis assignabit. Nam de hiis censibus ego tres sexagenas de proprio donaui, residuum vero Cunczmannus plebanus cum sua plebe persoluerunt. Prefatum quoque censum seu hereditatem in Chrachczan et Tupess ac Nyemczicz sic donatam libere perpetue et hereditarie presentibus resigno cum omnibus fructibus libertatibus vtilitatibus obuencionibus et pertinenciis suis, quocunque nomine censeantur, necnon pleno dominio, prout ego illa possedi, promittens bona et sincera fide vnacum fideiussoribus meis Petro dicto Zidkone de Borecznicz et Potro (sic) dicto de Dunowicz, dictam hereditatem cum suis pertinenciis contra quamlibet personam sub penis in talibus consuetis jure terre disbrigare. Dictus quoque dominus Cunczmannus plebanus et sui vniuersi successores debent et tenentur prelibato sacerdoti seu vicario de pretactis redditibus aut de fructibus sue ecclesie vltra expensas suas, quas sibi caritatiue secum porriget, tres sexagenas singulis annis assignare cum scitu domini Onsonis vel suorum heredum et suorum parrochialium pro ipsius vicarii expensis et anniuersario inferius expressato, residue quatuor sexagene plebano remanebunt. Idem eciam plebanus debet singulis sabbatis diebus perpetuo missam de beata virgine sub nota tenere et feriis secundis pro omnibus fidelibus defunctis similiter missam decantare. Insuper singulis annis perpetue plebanus, qui pro tempore fuerit, facere tenetur vnum anniuersarium sequenti die post dedicacionem eiusdem ecclesie. Si vero illum diem festum aliquod occuparet, tunc die sequenti quatuor missas vnam sub nota et tres lectas tenendo pro animabus meorum progenitorum, videlicet Abssiconis genitoris mei Czadkonis canonici Pragensis et Nicolai pretacti fratrum meorum domini Swathomiri de Nyemczicz patrui mei et Johannis filii ipsius omniumque meorurn predecessorum necnon post decursum vite mee et domine Marusse genitricis mee pro animabus nostris ac ipsius domini Cunczmanni plebani et suorum parochialium, qui huius rei sunt fundatores, ipsorumque quoque animas in wlgari plebe recomendando. Isto eciam adicto, quandocunque plebanus, qui pro tempore fuerit, careret vicario et nollet monitus illum recuperare aut anniuersarium siue missas pretactas non teneret, extunc elapsis quindecim diebus scitu domini archiepiscopi aut suorum officialium census et fructus huiusmodi datos occassione ipsius vicarii per pretactum dominum Onsonem vel suos heredes necnon per vitricum ecclesie in plebezanos tolli debet et dari cum testimonio eiusdem plebani pro fabrica ecclesie ipsius et pauperibus et hoc secundum temporibus numerum debitum et negligenciam commissam computando. Quandocunque plebanus huiusmodi reassumeret absque omni impedimento, iterum censum debitum et fructus huiusmodi rehabere debet et hoc singulis annis propter singulas negligentias obseruando. Si vero idem plebanus vno anno integro vel pluribus negligeret aut nollet tenere talem vicarium, extunc super redditibus predictis cum scitu decani districtus illius antedictus dominus Onso cum suis heredibus necnon parochiales licite per se poterunt, talena sacerdotem, qui omnia onera pretacta sufferat, locare, qui tamen plebano obedire debet in licitis et honestis et illum circa eandem tenere ecclesiam, quousque plebanus beniuole vicarium, vt premittitur, reassumat. Non licebit autem michi predicto Onsoni successoribusque meis, aliquem ibidem locare presbyterum vt premittitur, nisi plebanus predictus aut sui successores nollent aliquem ydoneum presbyterum tenere pro vicario premisso. Supplico igitur reuerendissimo in Christo patri et; domino domino Johanni sancte Pragensis ecclesie archiepiscopo apostolice sedis legato aut ipsius vicariis in spiritualibus, vt de solita benignitate et in augmentum diuini cultus predictas meas donacionem ordinacionem et disposicionem auctoritate ordinaria dignetur confirmare approbare et ratificare, redditusque prescriptos ecclesiasticis redditibus cum libertate et immunitate ascribere et cum interposicione decreti annotare. In quorum omnium testimonium et robur perpetue valiturum sigillum meum vnacum sigillis fideiussorum meorum Petri dicti Zidek et Petri dicti Dunowecz necnon nobilium dominorum meorum Petri Vlrici et Johannis de Rozemberg et Cunczmanni plebani ecclesie predicte in Stryczicz presentibus duxi appendenda. Datum in Wlhlaw anno domini millesimo trecentesimo septuagesimo quinto in die sancti Stanislai martiris. (Folgt nun die Bestätigung durch das Prager Generalvicariat ddo. Prag 30. April 1376. Siehe unten CXLVI.)

Source Fulltext: PANGERL, Stift Hohenfurth (=FRA II/23, Wien 1865) S. 161-164