Ego Woyslaus de Dubowa tenore presencium vniuersis, ad quos presentes deuenerint, rocognosco, quia non per errorem aut inprouide sed sana mentis fretus deliberacione siluam meam, quam habui sub uilla Chwalin proximam totam, discreto Jendlino ibidem de Chwalin meo fratueli dilecto eiusque heredibus pro quatuor sexagenis grossorum Pragensium michi plene solutis legittime uendidi et hereditarie ad perpetuam possessionem libere resignaui, promittens nichilominus sincera fide vnacum discretis viris Prziedotha de Sbynycz Johanne dicto Holeska de Crasticz meis in hac parte condisbrigatoribus dictam siluam jure terre regni Boemie dudum approbato pre impeticione cuiusuis hominis et persone et specialiter pre dotalicio Buzcze vxoris mee post obitum meum ad triennium fideliter disbrigare. Nos quoque Prziedota de Sbinicz Johannes de Crasticz prenarrati dicte silue disbrigatores nos esse profitemur, eandem siluam ab omni impeticione, ut premittitur, exbrigare promittentes, et si quod absit, vnum ex nobis disbrigatoribus, antequam anni disbrigacionis exirent, decedere contingeret, extunc alium equivalentem vice decedentis infra mensem post obitum eiusdem locare et statuere debemus, presencium cum renouacione sub pena trium sexagenarum infra quatuor ebdomadas Jendlino uel suis heredibus soluendarum sub obstagio cum vno famulo et duobus equis in Chrumpnaw prestando iuxta ritum ab antiquo obseruatum. Et sic in singulis quatuor ebdomadis tres eidem Jendlino aut suis heredibus sub premissis penis et obstagiis soluere promittimus sexagenas tam diu, donec equiualentem et condignum disbrigatorem in loco decedentis statuamus sub tali, vt conscribitur, firmitate presencia renouantes. In euentu autem, quo dictam siluam, vt spopondimus, exbrigare non valeremus, tandem in liberis nostris hereditatibus de tantis boni tercia parte adaucta dicto Jendlino uel suis heredibus condescenderes et resignare aut pro eis sex sexagenis grossorum in paratis pecuniis promittimus assignare. Alioquin ob non resignacionem et condescensionem tantorum bonorum nostrorum Jendlino uel suis heredibus au pro eis sex sexagenarum ob non solucionem post vnum mensem a monicione vnus ex nobis disbrigatoribus, qui monitus fuerit, cum famulo et equis duobus in ciuitate Chrumpnaw aput indicatum sib hospitem, prout moris est, prestabit obstagium tam diu, donec sex sexagene grossorum pro non disbrigacione sepedicte silue vna cum dampnis exinde contractis sine juramento de monstratis integre persoluantur et in pleno. In cuius rei testimonium et firmitatem deinceps valituram sigilla nostra vna cum sigillo dicti Vogislay presentibus sunt appensa. Anno domini millesimo trecentesimo octuagesimo feria quarta die sancti Bonifacii*) in Chrumpnaw.

Source Fulltext: PANGERL, Stift Hohenfurth (=FRA II/23, Wien 1865) S. 185-186