Ich Marchwart ritter von Poresching vergich vndt thue khunt ofenbahr mit dissem gegenwertigen brüeff allen leuten, die ihn sehen lossent oder hören lessen, die nun leben oder hernach khünftig sein, das ich vnuerscheidentlichen vndt vnbezwungenlichen bey vnssern gesunden leib zu der zeit, da wür es woll thun möchten, mit gueten wüllen mit bedachten mueth mit rath gunst aller gueten erben vndt aller vnsser freund vnd aller vnsser vorfodern vnd nahkhomen zu einem ewig seelgewerth (sic) recht vnd redlich durch gott öffentlichen vor erbarn leuth frey lassen sichern vnd ledig ewiglichen sagen vnd begeben von vnss vnd allen vnsern erben aller mauth vnd aller vorderung aller sach die erbarn vnd geistlich herrn des klosters zu Hohenfuerth alles , das man ihnen ihn ihr kloster treibt oder füert durch vnsser dorff, das heisset Bonetri, sambt dem Gaplitz, das Behmitz heist Wlankh , ess sey vieh wein oder treydt oder wasserley klein oder gross wenig oder viell, das soll frey ledig sein ohn alle mauth vndt ohn alle forderung ewiglichen. Das die redt vndt das geschäfft stet gantz vnverbrochen bleib von vnss vndt allen vnssern erben vnd von allen unssern nachkhomen, darumb geben wüer diessen brüeff zu einem ewigen vrkhunt versiegelten mit vnssern insigl, herrn Heinrich von Rossenberg von Rossenberg (sic), herrn Marchwart von Poresching Przibik purgraff der zeit zu Krumaw , Pyrtigt von Zymintitz, die das than haben durch vnsser bett wüllen zu einer zeugnus. Dieser brief ist gegeben da nach Christs gebuerth ergangen wahren 1396 zu Hohenfurth im kloster S. Stephan martyrs tag.

Source Fulltext: PANGERL, Stift Hohenfurth (=FRA II/23, Wien 1865) S. 213