Nos Henricus de Rosemberg recognoscimus vniuersis presentibus horum habituris noticiam, quia honorabilis vir dominus Nicolaus plebanus ecclesie in Horzicz dilectus nobis deo deuotus zelo sincere caritatis accensus curaque bone voluntatis diem extremum judicii misericordie operibus diuine retribucionis intuitu cupiens preuenire, pro ecclesia sua ibidem in Horzicz, cuius tunc rector ipsemet existit et ad cuius perfeccionem totis viribus anhelauit, centum et septem grossos et vnum denarium pro vtroque termino, scilicet pro termino sancti Georgii quinquaginta et tres grossos et quatuor denarios et totidem pro termino sancti Galli, census annui perpetui in villa Strazkowicz in incolis subscriptis: in Ottone quindecim denarios, Henzlino Gues tredecim grossos minus vno denario, in Petro tredecim grossos minus vno denario, Henzlino Leucharthar tredecim grossos minus vno denario, in Hayndlino sex grossos cum tribus denariis et Pesskone Giskra sex grossos cum tribus denariis, vnamquamque sexagenam census eiusdem pro duodecim sexagenis grossorum computando, certis ecclesie sue peccuniis a nobis emit et legittime comparauit eidemque ecclesie sue census illos per se tunc et deinde per successores suos omnes et singulos tenendos et colligendos perpetue jurisdicioni applicauit et incorporauit, nobisque omnia illa ita nichilominus eidem ecclesie adaucta et comparata cum singulis et vniuersis illis pertinenciis, que sic iusto acquisitionis et comparacionis titulo in presenti potuit uel in futuro poterit largicione Christi fidelium seu alio quouismodo adipisci, ad fideles manus nostras ad tabulas terre regni Boemie intabulauit, de nobis tamquam de patrono legittimo ac nostra de progenie seu successorum nostrorum posteritate gereris confidenciam singularem, nosque tamen aut nostri posteri in bonis eisdem nullum jus obtinemus uel vnquam penitus obtinebunt. Sed tandummodo pro securitate dicti domini Nicolai ac suorurn successorum seu ecclesie eiusdem pro securitate eandem acceptamus intabulationem. Spondemus igitur nos Henrieus prenominatus fide pura et sincera presentibus sine dolo per nos heredes ac successores nostros ratum firmum et gratum sic teneri et haberi fideliter, quatenus facientes iustum acceptum et dilectum deo et hominibus et predictis emptioni et applicacioni et intabulacioni derogantes minime bona eadem predicta, ut prefertur, dicte comparata et anexa ecclesie nullatenus impediamus molestemus uel pro nobis quomodolibet vsurpemus uel nostri successores vsurpent, ymmo efficaciter tueamur protegamus et defendamus bona illa tamquam propria uostra. Sed quocumque anno, quocienscumque hoc euenerit, quod berna regia generaliter in toto regno collata fuerit, eandem nos Henricus predictus et successores tenebimur multum gratiose a huius census censualibus incolis acceptare, inhibemus etiam vniuersis et singulis officialibus nostris specialiterque tentoribus et rectoribus bonorum nostrorum in Nouo Castro et in Crumpnaw precipue burgrawiis nostris fidelibus, qui nunc sunt aut erunt pro tempore, districte et firmiter, ne predicte ecclesie homines et bona ipsius in hac nostre donacioni (sic) facta intabulacione impediant uel ab aliis permittant impediri, verum ipsa in ea manu quemadmodum et nos teneant protegant fauorabiliter defendant et conseruent, quoniam hec ipsa nostra et nostrum omnium sincera affectio tuicionis predictorum bonorum preamabilis suffragatrix nostrarum saluti animarum efficietur, que nos vna cum emptore (?) census prenotati dilectissimo domino Nicolao plebano in Horzicz auctore domino deo abluet a peccatis et gratiam nobis restituet saluatoris. Vt autem hec prescripta nostra promissa robur expedite firmiter obtineant, presens scriptum fieri nostrique cum scito pleno sigilli maioris ac cum sigillis famosorum virorum, puta Przibikonis de Zimunticz protunc purgrawii nostri in Crumpnaw et Woytyechonis de Grasselow, qui cum bona sua voluntate nostrum ad affectum in testimonium sua sigilla appenderunt, nosque nostro sigillo pretuito presencia duximus munimine roborandum. Datum in Crumpnaw Castro nostro anno domini millesimo quadringentesimo feria sexta in vigilia sanctorum Philippi et Jacobi apostolorum.

Source Fulltext: PANGERL, Stift Hohenfurth (=FRA II/23, Wien 1865) S. 228-230