Nos Henricus et Petrus filius ipsius utrique de Rosembergh principales actores et venditores tenore presentis littere vniuersis et singulis publice profitemur, quia sana cum deliberacione et salubri prehabito consilio vrgente nos necessitatis articulo vendidimus partem nostram totalem ville Yaromyrow, decem sexagenas grossorum argenteorum cum vno grosso annuatim censuantem, cum omni iurisdictione agris cultis et incultis censibus emendis honoranciis robotis pascuis pratis communitatibus singulisque prouentibus iuribus et pertinenciis ac pleno dominio et libertate ad partem predicte ville et eius incolas spectantibus, sic quod nec pro nobis aut nostris successoribus in eadem villa et eius incolis iam condescensis aliquid iuris relinquimus, sed in toto vendidimus famoso viro Weczlyno et Gregorio fratribus de Czypyn et ipsorum heredibus et ad manus famosorum virorum videlicet Petri de Vzdyeczow Przybiconis et Jeorgii fratrum quondam Nicolay de Elhota vero et iusto vendicionis titulo pro centum et viginti sexagenis ac duodecim grossis grossorum argenteorum monete Pragensis iure hereditario ad habendum tenendum regendum possidendum vtifruendum libere et pacifice perpetuis temporibus, prout nosmet et antecessores nostri eundem censum in eadem parte ville hucusque libere et quiete dinoscuntur tenuisse. Et pro eisdem bonis a prefato Weczlyno recepimus omnes predictas paratas pecunias nos Henricus et Petrus antedicti. Eadem igitur bona nos Henricus et Petrus prenominati de Rosembergh atque nos Przybico de Zymuticz protunc castri Chrumpnaw purgrauius et Woytyecho de Kraselow protunc purgrauius in Meydstain fideiussores pro ipsis et cum ipsis dominis Henrico et Petro predictis de Rosembergh omnes indiuisa manu fide nostra bona omni sine dolo volentes dictura Weczlynum et Gregorium ac heredes et amicos eorum prescriptos in huiusmodi empcione certos et securos reddere promittimus, a data presencium ad sex annos continue reuoluendos disbrigare et libertäre ante omnes orphanos, ante queuis dotalicia, ante omnem hominem status cuiuslibet impetentem uel volentem impetere, et fideliter ipsis sex annis expletis et decursis in primis quatuor temporibus tunc venientibus aut finaliter in secundis quatuor temporibus proxime tunc sequentibus predicto Weczlyno et Gregorio aut eorum heredibus et amicis predictis intabulare ad terre tabulas regni Bohemie bonos disbrigatores bonorum eorundem tunc statuentes, veluti ius terre Bohemie postulat et requirit. Si uero, quod absit, eadem bona cum omnibus eorum appendenciis superius expressis disbrigare et libertare aut intabulare negligeremus, extunc de tot et tantis et tam bonis nostris mundis liberis propriis hereditatibus, prout dicta bona se extendunt, etiam et tercia parte plus adaucta dicto Weczlyno et Gregorio heredibus ac amicis eorum prescriptis condescendere promittimus et debemus omni occasione et contradictione procul motis. In casu autem, si nos in huiusmodi bonorum disbrigacione intabulacione aut aliorum in tercia parte plus valencium bonorum condescensione contrarii essemus et negligentes, extunc mox et statim duo nostrum, qui primum moniti fuerimus, se per alios non excusantes cum duobus famulis et quatuor equis ingredi tenebimur ciuitatem Chrumpnaw ad honestum ibidem hospitem, qui nobis per predictos deputatus fuerit, prestituri ibidem obstagium debitum et consuetum. Nos vero Henricus et Petrus predicti de Rosenberk, si pro faciendo obstagio moniti fuerimus, tunc loco nostri alium famosum clientem in ipsum obstagium poterimus collocare, abinde ipsi nos obstagiantes, qui extiterimus, exituri nullo quoquam super iure, nisi prius omnimode disbrigauerimus intabulauerimus bona eadem omnia supradicta aut in bonis nostris tercia parte plus condescenderimus, veluti per nos superius firmiter et infallibiliter est expressum. Elapsis uero quatuordecim diebus a predicto obstagii termino continuis prestito per nos obstagio uel non prestito prefatis per nos nondum expletis, predicti potestatem habent plenam, quam eis presentibus damus et concedimus, predictas sortis pecunias cum tercia parte plus pecuniarum accrescente conquirendi nostrum omnium super dampna inter Christianos uel Judeos nobis tamen semper tamdiu dictum seruantibus obstagium, donec per nos prenominatis creditoribus nostris de predictis oranibus satisfactum fuerit plenarie et in toto. Eciam et de dampnis omnibus et singulis, que predicti per legaciones itineraciones expensas impensas seu per alium quemuis modum ob nostre negligencie incuriam perceperint et se ea percepisse iuramento in cruce sine cespitacione, quod dicitur bez zmatku, asserere presumpserint, satisfacere promittimus in toto. Hoc eciam notanter expresso et excepto, quod nos Henricus et Petrus prefati de Rosenberk vna cum heredibus et successoribus nostris predictam partem ville Yamyrow, sicut superius est tactum, per nos venditam ex speciali et beniuolo consensu Weczlyni et Gregorii prefatorum et heredum ipsorum a data presencium infra sex annos se continue sequentes cum eadem summa pecuniarum veluti est vendita, reemere possumus hominis cuiuslibet difficultate qualibet non obstante. Et si quis nostrum medio in tempore diuina permissione mortuus extiterit, vnus aut duo tunc mox infra vnum mensem a die obitus illius uel illorum continuum sub pena similis obstagii, ut predicitur, eque probum uel probos habentem uel habentes nobiscum nos residui statuere spondemus loco defuncti uel defunctorum ad nos pro fideiussore assumentes litteram presentem infringendo et aliam de nowo huic similem renouando, condicionibus tamen in ea verius obseruatis. Et si quis nostrum contra presentem litteram se uerbo uel facto opposuerit aut aliqua iuramenta prestare voluerit, hoc sit et esse debet in sui ipsius preiudicium, sed non huius littere detrimentum. Et quicunque presentem litteram cum bona voluntate et pleno ac libero consensu sepetacti Weczlini habuerit heredumque suorum, eidem ius competit omnium premissorum. In quorum omnium testimonium et firmius roboramentum, ut omnia premissa in singulis suis punctis et clausulis rata et firma permaneant, sigilla nostra propria nostra de certa sciencia presentibus sunt appensa. Sub anno domini millesimo quadringentesimo secundo feria secunda die sancti Galli venerabilis confessoris.

Source Fulltext: PANGERL, Stift Hohenfurth (=FRA II/23, Wien 1865) S. 231-233