Ego Johannes dictus Borowetz de Rowna tenore presencium notum vniuersis fieri volo et recognosco, quod propter beneficia fauores et amicicias, que religiosi et honorabiles viri dominus abbas et conuentus monasterii Sancte Corone ordinis Cysterciensis Praghensis dyocesis, qui prius fuerunt et adhuc sunt, diuersimode mihi ac pluries exhibuerunt et fecerunt, curiam meam in villa Rowna situatam cum omnibus et singulis, que ad eandem spectant et pertinent, sicuti ego usque in presentem diem ipsam tenui et possedi, et prout in alia littera plenius continetur, prefatis domino ahbati et conuentui animo deliberato plenarie et ex toto perpetuis temporibus libere tenendam et possidendam tradidi assignaui et condescendi, ita quod anrcorum siue heredum meorum penitus nullus iuris quicquam siue iurisdictionis aliquando super eam sibi possit vel debeat vendicare, sed neque vxor mea dotis nomine seu alia quacumque causa expetere uel postulare, condicione quidem tali, quod absque premissis fauoris et amiciciarum beneficiis ducentas sexagenas grossorum Praghensium pro ipsa mihi dederunt integraliter expediendo persoluerunt, nichilominus consenciendo et promittendo mihi concesserunt, quod supradicta bona usque in vite mee finem debeam et pussim adhuc tenere frui et possidere. Insuper et curiam meam iu Muscherad, quum ab ipsis hactenus habui et possedi, cum omnibus, que ad ipsam pertinent, simili modo, sicut de Rowna est expressum et superius iamdictum, reddidi et resignaui. In quorum omnium testimonium sigillo meo necnon et strennui militis domini Marchwardi de Poressin sigillo presentes litteras feci sigillari. Datum anno domini millesimo quadringentesimo sexto in festo purificacionis beate virginis Marie.

Source Fulltext: PANGERL, Stift Hohenfurth (=FRA II/23, Wien 1865) S. 242-243