Wenceslaus dei gracia Romanorum rex semper augustus et Boemie rex notum facimus tenore presencium vniuersis, quod animo deliberato et de certa nostra scientia Johanni de Borowecz alias de Rowna fideli nostro dilecto fauimus et indulsimus fauemus et despeciali nostra gratia indulgemus, quod ipse bona sua hereditaria,que ibidem in Rowna habere dinoscitur, in vita vel in morte iuxta sue voluntatis arbitrium tam personis ecclesiasticis quam secularibus testare legare donare deputare et assignare valeat atque possit, decernentes et expresse volentes, quod is vel illi, cui vel quibus predicta sua bona, ut premittitur, testanda seu leganda decreuerit omni eo jure et libertate, qua predictus Johannes ipsa pronunc possidet, habere tenere et possidere debeant pacifice et quiete, impedimentis quorumlibet procul motis. Presencium nostre regie maiestatis sub sigillo testimonio litterarum. Datum Mendici anno domini millesimo quadringentesimo sexto die vndecima Januarii regnorum nostrorum anno Boemie quadragesimo tercio Romanorum vero tricesimo. Per dominum Conr. subcamerarium Jacobus canonicus (?) Pragensis.

Source Fulltext: PANGERL, Stift Hohenfurth (=FRA II/23, Wien 1865) S. 240