Georius dei et apostolice sedis gracia episcopus Patauiensis ad futuram rei memoriam. Dirigentibus nobis cogitatum nostrum ad ea, que bonum statum ecclesie ac anime nostre salutem respiciunt, inter alia pietatis et meritoria opera occumt nobis; quod ad iltorum consecucionem nichil forcius operetur, quam quod monasteriorum et prelatorum ac personarum, que in ipsis sunt diuinis mancipate seruiciis, quieti et comodo nedum in alienis verum eciam in propriis questionibus et differenciis sic salubriter intendamus, quo diuino cultui possint vacare liberius et feruencius inherere. Exorta siquidem inter nos et collectores decimarum nostrarum in Kremss in Stain et aliis locis infra limites earum decimarum constitutis ab vna et venerabiles et nobis in Christo dilectos Griffonem prepositum et conuentum monasterii in Reichersperg ordinis sancti Augustini canonicorum regularium nostre diocesis parte ex altera materia questionis: nam officiales et collectores nostri ipsos ad solucionem decimarum de vineis ipsorum nitebantur compellere, ipsisque superinde diuersa impedimenta, ex quibus se offensos conquesti fuerant, inferebant. E contra vero dictus prepositus et conuentus allegebant priuilegia diuersa Romanorum pontificum et predecessorum nostrorum, quarum copias coram nobis produxerant, ex quorum tenoribus petebant se a solucione decimarum huiusmodi supportari. Deducto igitur pluries ad nos huiusmodi negocio ad humilem peticionem dictorum prepositi et conuentus ad honorem omnipotentis dei et sancti Michaelis archangeli patroni dicti monasterii de venerabilis capituli nostri consilio et assensu spe remuneracionis eterne de speciali gracia attento fauore et affeccione, quos ad supradictum monasterium gerimus, supradictos prepositum et conuentum et eorum successores a solucione decimarum in vineis, quas de presenti possident et quarum nomina inferius specifice describuntur, pro nobis et successoribus nostris eximimus et exemptos babere volumus, prohibentes expresse omnibus et singulis officialibus et collectoribus huiusmodi decimarum, ne ipsos deinecps super premissis inquietare debent vel quidquam decimarum racione recipere vel exigere ab eisdem, excepto tamen quartali nuncupato "puetzel“, de quo eisdem collectoribus nostris nostro nomine soluere debent decimam, prout ipsam hucusque sine contradiccione qualibet exsolueruut. Si vero ex donatione Christi fidelium vel exemptione aut contractu legittimo aliquas vineas adipiscerentur, de quibus nobis decime iam soluuntur, ad illas presens priuilegium extendi nolumus, sed de eisdem decimas soluere debent integraliter et in toto. Nomina autem vinearum sunt hec: prope curiam Reicherspergensem tria jugera cum dimidio, item vnam vineolam dictam Leyttel iuxta leprosos, item duo jugera iu "longo taylant“, item vnum juger cum dimidio in vinea Aich, item septem jugera in vinea Weinzürlperg, item duo jugera super laymgrueb, item duo jugera in vinea Molchinger in monte Gerestorf, item tria jugera in "breui tayland“, item duo jugera, que sunt desolata et redacta in agros, item tria jugera desolata prope Radendorf. Et ut hec nostre donacionis gracia inconfulsa remaneat, presentes damus litteras nostro et capituli nostri sigillis munimine roboratas. Datum Patauie xxiiij^a die mensis Februarii anno domini millesimo quadringentesimo duodecimo.

Source Fulltext: PANGERL, Anhang Stift Hohenfurth (=FRA II/23, Wien 1865) S. 404-406