Frater Johannes abbas Morimundi Cistereiensis ordinis Lingonensis diocesis venerabili patri et in Christo nobis precarissimo coabbati nostro monasterii de Altouado nostri dicti ordinis Pragensis diocesis salutem et consciencie serenitatem. Vestra suplicatio continebat, quod sepius vos contingit, in mensa vestri fundatoris et aliorum dominorum cum multis baronibus et militibus commedere, vbi cibaria regularia minime parantur. Etiam contingit, vos et fratres vobis commissos sepe declinare ad diuersa loca, inqnibus similiter cibaria ipsa regularia commode et sine magnis expensis inuenire non potestis. Quare supplicabatis, vt de gratia speciali vobiscum super hiis dispensare vellemus. Nos vero nil aliud intelligentes, nisi quod pater noster beatus Benedictus ordinisque nostri statuta talia prohibuere, vt caro spiritui subiceretur et quod in austeritate vite religiosi deo deseruirent, et eciam experti de vestra religiositate, qua animarum salutem desideratis, nec eciam aliquid facere velletis, exquo merito scandallum oriri posset, vobiscum per presentes dispensamus, vt in mensa principum seu potentum dominorum et eciam inaliis locis, vbi commode regularia adinuenire nou valetis, possitis et valeatis vti carnibus diebus et temporibus consuetis. Et super hoc idem cum fratribus vestris dispensare ita tamen, quod fiat honesto modo et sic, quod graues et virtuose persone per hoc scandalizari non debeant. Datum in monasterio de Hylaria sub appensione sigilli nostri sexta die mensis Septembris anno domini millesimo quadringentesimo quinquagesimo tercio

Source Fulltext: PANGERL, Stift Hohenfurth (=FRA II/23, Wien 1865) S. 280