||
Wir Nichlas, der richter, Ditrich, der burgermaister, und di gesworn alle, dar nach uberal, die gemain der ||
stat ze Znoym veriehen offenwar allen den, di disen brif sehen, lesen, oder hören lesen, daz wir von ||
dem geschefte und gebote unsers liben herren, des hochgeborn chunik Johansen von Behem und von||
Polan und graven von Lucemburch verhaizzen und gelobt haben mit trewen an aydes stat dem ede¬ ||
len hohen fürsten herzogen Heinrichen von Chernden, graven von Tyrol, stete helfen ze haben, ||
alle der taiding und gelubde, di czwischen unserm vorgenantem herren und im geschehen sint, als ||
diselben unsers liben herren hantfeste sagent, di er im dar uber geben hat, und nemlich daz ||
derselbe herczoge fürmunt und gerhabe sein sol, ob ez ze schulden chumt unsers egenanten herren, ||
chunik Johansen, chinde di er iezunt hat oder noch gewinnet der verpintnusse, und daz gelubde ||
haben von uns, in genommen an dez vorgenannten herzogen, stat di ersamen herren maister Heinrich, der||
probst von Volchenmarcht und her Wolchmar von Purchstal. Und dar uber zu einem urchunde ||
habe wir im geben disen brif mit dem anhangundem unserr stat insigel ze Znoym. Diser brif ist geben ||
.