|N001|Wir Woldmar von Gots gnaden margraf ze Brandenburg und zu Lantzperg, enbiten dem edlen Ulrichen von Pak, |N002|unser gnad und unsern grus, wann wir dem alerdurchleuhtigsten fursten und unserm genedigem herren herren KarI, romi¬|N003|schem kunige, ze allen zeiten merer des reichs und kunge ze Beheim , seinen erben und nachkomen kunigen ze Beheim, durch |N004|besunder guet und gnaden willen, di er uns erzeiget und beweiset hat und noch genediclich erzeigen mag ze gewinnen und |N005|zu erchrigen unser land und erbe geben haben, und geben di mark ze Luzicz mit dem lande, steten, vesten, merkten, herren, |N006|mannen, rittern, knechten, burgern, schultheizzen, gepawern mit aller zugehorung, als wir ee wir von lande schiden und se¬ |N007|liger gedechnusse unser vorvarn, margrafen ze Brandemburch, die selben marken ze Luzicz mit dem lande innegehabt und be¬ |N008|sezzen haben, daz si furbaz ewichlichen zu dem vorgenanten kunigrich und zu der kron ze Behem gehorn sol. Als in unsern |N009|brifen, di wir dor uber geben haben volchumenlicher geschriben stet, dor umb lazzen wir dich ledig und loz mit kraft dicz bri¬ |N010|efs, euch aller huldung, trewen und eides, do mit du uns und unsern vorvaren marchrafen ze Brandenburch und zu Luzicz verpun¬ |N011|den gewesen seyt und leiten und weyzen, dich an dem vorgenanten unsern gnedigen herren, den romischen kunig und kunig |N012|ze Behem, sein erben und nachkomen kunigen ze Behem, und gebiten dir ernstleich und festichlich, daz du von deine und |N013|deinen erben wegen dem vorgenanten unserm herren dem romischen kunig, seinen erben und nachchomen kungen ze Behem hulden, |N014|sweren und geloben solt getrewe gehorsam und undertenig ze sein. Ewichlich als du deinen rechten erbherren billich und zu |N015|recht se tun phlichtig seist, wann wir geloben, dir mit guten trewen an geverde, daz wir dich, wann wir dez ermant werden, |N016|huldung trew und und eids ledig sagen und lassen wollen mit unsers selbs munde, und dich an den vorgenanten unsern herren, den ro¬ |N017|mischen kunig und kung ze Bohem, seine erben und nachkomen kunige ze Behem weisen und leiten wollen an furgeczog und |N018|an alles hindernuzze. Mit urchund dicz briefs, versigelt mit unserm insigel, der geben ist zu Tempelberg bey Furstenwald, do |N019|man czalt von Christus geburd dreuczehenhundert jar, dor nach in dem acht und virczgisten jar des nestet donerstag nach sand |N020|Michels tag .