|N001|Wir Ludwig und Ludwig, genant der Romer, von Gots gnaden margrafen ze Brandemburg und ze Lusitz, dez heiligen Romischen reichs oberste camerer, pfaltzgrafen bei |N002|Rein und herczogen in Beyern , veriehen und tun kunt offenlichen mit disem brief allen den, die in sehen horen oder lesen, daz wir mit wolbedachtem mute und mit rat |N003|unsirr getrewen, und ouch mit rechtir wizzen fur uns, all unsir bruder, unsir und ir erben und nochkomen margrafen ze Brandemburg, ewiclichen uns verzigen |N004|haben und verzeihen, aller der rechten anredung und ansprache, ob wir dheine als margrafen ze Brandemburg und ze Lusitz gehabt haben und haben oder |N005|gehaben mochten, zu dem lande ze Budissin und ze Gorlicz und zu den steten Luban, Lubaw, Camentz und andern steten, lehen, mannen, manscheften, wigpilden |N006|und kreizzen, die darzu gehornt, geistlichen und werltlichen und beinamen zu den edeln herren hern Ulrichen von Pak, von Sarow und zu dem lande ze Sa- |N007| und hern Albrechten von Hakemborn und seiner herschefte, und ir beider erben und nachkomen ewiclichen, und waz do selbest der allirdurchluchtigste furste |N008|und unsir gnediger herre her Karl, Romischer kung, ze allen zeiten merer dez reichs und kung ze Behem, innehat und die hochgebornen fursten und herren |N009|her Johanns, etwenn kung ze Behem, sein vatir seliger, und her Heinrich, weilent herczog zu dem Jawr, unsir ohem seliger, innegehabt und besezzen habent |N010|und geloben mit guten trewen on geverd fur uns, unsir bruder, unsir und ir erben und nachkomen margrafen ze Brandemburg mit geswornem eyde, den |N011|wir daruber zu den heiligen getan haben, daz wir den vorgenanten unsern lieben gnedigen herren, sein erben und nachkomen kung ze Behem an dem vorgenanten lande |N012|Budissin, Gorlicz und den steten Luban, Lubow, Kamentz und andern steten, lehen, mannen, manscheften wigpilden und kreizzen und allen zugehorungen |N013|geistlichen und werltlichen, und beinamen an den vorgenanten hern Ulrichen von Pak, von Sarow, hern Albrechten von Hackemborn, iren erben und nochkomen |N014|und allir zugehorung, nicht hindem beschedigen ansprechen noch betruben wellen und geloben mit guten trewen on geverd, und mit den vorgenanten geswornem |N015|eyde, daz wir noch den vorgenanten landen, herren, steten, mannen, manscheften und allen zugehorungen als vorgeschriben stet nymmer gesten wellen noch |N016|sullen mit ansprache, anredunge, noch mit dheinen sachen geistlichen oder werltlichen, wie man die genennen mag. Ez sullen ouch all brief und hantfesten, |N017|die wir von unserm vater seligen oder von ymand andirs darubir haben unkreftig, untuglich und allir sachen absein und dem vorgenanten unserm gnedigen |N018|herren, seinen erben und nochkomen kungen ze Behem, keinen schaden bringen, wann wir uns mit wolbedachtem mute und mit gutem rat verzigen haben |N019|und verczeihen genczlichen fur uns, unsir bruder, unsir und der selben unsirr bruder erben und nochkomen margrafen ze Brandemburg ewiclichen allir der¬ |N020|selben hantfesten und briefe, ob dheine ze lycht quemen odir furbracht wurden. Mit urkund dicz briefs, versigelt mit unsern ingsigeln. Der geben ist ze Bu¬ |N021|dissin noch Crists geburt drewczehenhundert jar, und darnach in dem funfczigsten jare an dinstag noch dem suntag, als man singet daz ampt Invocavit.