|N001|Wir Bolke von Gots gnaden herczoge von Slezien, herre von Furstinberg unde czu der Swidnicz, globen mit guten truwen |N002|on geverd fur uns unde unser zone,, ab wir di gewinnen unde fur alle, di uns gehorsam sint, ader di durch unsern |N003|willen tun adir lasen, dem allirdirluchtigstem fursten unde unserm genedigem herren hern Karln, Romischem kunge, |N004|alle czit merer des richs unde kunge czu Behm , unde sinen erben kungen czu Behm, das wir mit in unde mit |N005|allen iren fursten, landen, herscheften, luten unde undirtanen, wo di gelegen adir gesessen sint, einen gantzen |N006|steten frede haben unde halden wollen, ein ganczis jar an czuheben an desem hutigem tage, ouch globen wir |N007|mit guten truwen unde on geverd, daz wir des erwirdigen fursten hern Priczlaus, bischofs czu Breczlaw, unde |N008|siner nachkomen des capitels, des stiftis unde der kirchen, do selbest umbe unsers selbes crik, der iczunt |N009|czwischen in unde uns ist, unde umbe di sachen, di wir besundirn czu in haben fint werden wollen, unde si an |N010|grifen, wenne wir von dem obgenanten unserm herren, deme Romischem kunge unde sinen erben kungen czu |N011|Behm, des irmanet werden, indewennik dem vorbenanten iare unde globen mit guten truwen on geverd, das |N012|wir unde unser zone, ab wir di gewinnen, uns mit deme selben bischofe, deme capitel unde allen iren nachko¬ |N013|men, unde mit deme stift, unde der vorbenanten kirchen czu Breczlaw noch der czit unde wir von deme vor |N014|benanten unserm herren, deme Romischem kunge unde sinen erben, kungen czu Behm irmanet werden, nymmer |N015|gefreden, zunen adir berichten wollen on des obgenanten unsers herren unde siner erben kungen czu Behm wort |N016|wissen, gunst unde willen. Mit urkund dicz brifs, den wir vorsegelt haben lasen, werden mit unser wissen geben |N017|czu der Swidnicz an dem nehesten tage, noch unser Vrowen tak, alz si czu himmel fuer, do man czalte noch Gotis ge|N018|burt driczenhundirt, dor nach in deme fumfczegstem jare¬ .