|N001|Wir purgermeister, der rat, die schepffen, die hantwerkmeister und die purger gemeinlich der stat zu Eger veriehen und |N002|tunt kunt offenlich mit disem brif allen den, die in sehen oder horen lesen, wan der allerdurchleuchtigst furste, unser genediger |N003|herre, Romischer kunig Karel, zu allen ziten merer des reichs und kunig zu Behem, uns geboten hat und zu uns dar umb |N004|den edeln hern Russen von Lutitz gesant hat, daz wir sinem erstgebornem sun, dem hochgeborn fursten, unserm herren herren Wentz¬|N005|lawen hulden, geloben und sweren scholden, daz selb unsers herren gebote, haben wir mit getrewer gehorsam angesehen, als wir allzit |N006|nach sinem willen und gebote tun wellen getrewlich und unverdrozzenlich, nach aller unserr macht und da von haben wir fur |N007|uns, unser erben und nachkomen mit wolbedachtem mut, mit gantzem rat, mit rechter wizzen und mit guten willen zu einem |N008|rehten pfande, als wir von dem heiligen Romischen reich gein Behem versetzt sein, und als wir dem obgenanten unserm herren, kunig |N009|Kareln , unser brif dar uber vormals geben haben, des selben unsers herren, erstgebornem sun, unserm vorbenanten herren herren Wentz¬|N010|lawen gehuldet, gelobt und gesworn hulden, geloben und sweren mit der bescheidenheit, ob sins vorgenanten vater unsers |N011|herren herren KareIs niht wer des Got niht welle dem selben unserm jungen herren herren Wentzlawen, und die weil er zu |N012|sinen jaren der vernunft niht komen ist, sinem furmunde und pfleger an siner stat oder ob sein niht wer, sinem eldsten |N013|bruder, dar nach mit guten trewen on geverde, getrewe, gehorsam und untertenich zu sein, als unserm rehten herren zu aller zit |N014|in der vorbeschriben weis, als wir uns gein, unserm oftgenanten herren herren Kareln mit hulden, aiden, gelubden und brifen |N015|emals verbunden und verstrickt haben. Mit urkunde ditzs brifs, versigelt mit unser stat insigel, der geben ist zu Eger, do |N016|man zalt von Cristus geburte dreuczehenhundert jar dar nach in dem funfczigstem jar des nehsten donerstags |N017|nach send Bartholomeus, des heiligen zwelfboten tag .