|N001|Wir Albrecht, von Gots gnaden furste ze Aschanien und grave von Anhalt, geloben mit guten trewen an geverd für |N002| uns und für den erwirdigen vatir in Got hern Otten erczbischof ze Meideburg und für die hochgebornn fürsten, hern Rudol¬|N003|fen herczogen ze Sachsen, des heiligen romischen reichs obrister marschalk , hern Ernst herczogen ze Brunswig, des|N004| langreven von Hessen eydem, hern Woldmar graven von Anhalt, unsern lieben bruder, hern Rudolfen den Jungern, herczo|N005|gen ze Sachsen¬ , und alle andirr unsirr frünt und helfer, wie die genant sein, dem allirdurchlüchtigsten fursten |N006|und herren, hern KarI, romischem kung ze allen zeiten merer des reichs und kung ze Behem, unserm lieben gnedigen |N007|herren, daz wir mit dem hochgebornn fursten hern Ludwigen pfalczgraven bei Rein und herczogen in Beyern, seinen |N008|brüdern, und mit den hochgebornn fursten und hern Fridrichen marggraven ze Myssen, den herczogen ze Stetyn, vom Sun¬ |N009|de, ze Lunemburg, von Meckelmburg und andern seinen fründen und helfern, wie die genant sein, unsern widirsachen |N010|in der marken zu Brandemburg und mit allen den, die sie an gehörn und mit in sein, einen steten, ganczen fride |N011|halden und haben wellen uncz uff santh Johans tag Baptisten, der schirist kunftig ist. Ouch geloben wir mit guten |N012|trewen an geverd, daz wir mit unsern amptlüten und heubtmannen schaffen und bestellen wellen, daz der selbe fride be¬ |N013|satzt und gewisset werde, so wir schirist mugen, mit sulcher bescheidenheit, wo und als snelle der selbe fride |N014|besetzt wirt, daz er sich danne zu hant anheben sulle. Geben ze Prage noch Crists gebürt driczen hundirt und dor noch |N015|in dem ein und funfczigstem jar, des nehsten fritags für santh Urbans tag .