|N001|Wir Fridrich und Bernhart von Schonnburch herren zu dem Hassenstein verjehen und tun chunt offenlich mit disem |N002|brief allen den, die in sehen oder hören lesen, daz wir, unser hus den Hassenstein, Sletyn und die Beznicz |N003|mit aller zugehörunge zu rehtem mannes lehen von dem allerdurhlutigstem fürsten und herren, hern Karln|N004|romischem kung zu allen ziten merer des richs und künge zu Beheim , unserm lieben genedigen herren, als |N005|von eynem künge und der cronen zu Beheim, empfangen haben und haben auch gehuldet, gelobet und |N006|gesworn, hulden, geloben und sweren mit guten trewen an geverd, für uns, unser erben und nachkomen, |N007|dem obgenanten unserm herren, sinen erben und nachkomen, kungen zu Beheim, und der cronen da selbest get¬ |N008|rewe, gehorsam und undertenig ze sin ewiclichen in aller der wize, als man von manschefften und mannes |N009|lehen gen iren rehten erbherren ze tun pflihtig sint. Mit urkund dicz briefs versigelt mit unsern |N010|ingsigeln, der geben ist zu Prage da man zalt nach Cristus gebürt drwzehen hundert jar, darnach|N011|in dem eyn und funfzigsten jar an dem abende der heiligen aufferte unsers Herren .