|N001|Wir burgermaister und der gesworne rat der stat zu Tekendorf bekennen und tun chunt offenlich |N002|mit disem brive allen den, di in sehen oder horen lesen, daz wir durch sunderlich gebot des hochge¬ |N003|bornen fursten hern Albrechts, pfalczgraven bei Rein und herczogen in Beyern, unsers lieben |N004|genedigen herren, mit wolbedachtem mute, mit rat, gunst, wizzen und willen unserr gemein¬ |N005|schefte gelobt haben und geloben, auch in guten trewen an geverd, der hochgebornen furstin¬ |N006|nen herczogen Ludweigs tochter von Lignicz, des obgenanten unsers heren eliche wir¬ |N007|tinne, zu einem rechtem pfande umb dreizzig tausent guldeiner irerr morgengab, |N008|daz wir derselben unserr vraun und zu irer hant dem allerdurchluchtigsten fursten und herren |N009|hern Karl, Romischen kunig, zu allen zeiten merer des reichs und kunig zu Behem zu einem |N010|rechten pfand warten, gehorsam und undertenig sein wellen und sullen, mit dem gerichte zu |N011|viechtach, dem ckasten und seiner zugehorung, uncz an die czeit, das der obgenant unser |N012|herr herczog Albrecht, sein erben oder nachkomen, der obgenanten unserr vrawn oder wem |N013|si das verschaft, di egenanten dreizzig tausent guldein gar und genczlich verrichten |N014|und beczalen in aller der mazze, als des obgenanten unsers herren herczogen Albrechts brive, |N015|di er daruber geben hat, lauterlich begreiffen. Mit urkund dicz brives, versigelt mit |N016|unserr stat insigel, der geben ist zu Tekendorf nach Cristus geburte dreuczenhundert|N017|und in dem drei und fumfczgistem jare an sant Prothasius tag des heiligen merterers .