||
Wir Ruprecht der Elter von Gots genaden pfallenczgrave bei Rein, des heiligen reichs obrister trugsezze und her||
czog in Beyern¬ , bekennen und tun kunt offenlich mit disem brive allen den, di in sehent oder horent lesen, daz ||
wir mit wolbedachtem mut, mit rate unser vreunde und auch mit rechter wizzen des allerdurchluchtig¬ ||
sten fursten und herren, hern Karls Romischen kungs zu allen zeiten merer des reichs und kungs zu Behem, ||
unsers lieben genedigen herren, di nachgeschriben vesten Hoenstein und die merkte Hersbrucke und Aurbach, ||
di von dem heiligen reiche lehen sint, mit allen rechten, herscheften, nuczen und zugehorungen, wie man die ||
benennen mag, dem kungrich und der cronen zu Behem zu rechtem erbe und erbelehen recht und red¬ ||
lich verkouft haben in aller der mazze, als di obgenanten veste, merkte und ire czugehorungen nach tode seliger ||
gedechtnuzze des hochgebornen fursten, hern Rudolfs etwenne pfallenczgraven bei Rein und herczogen||
in Beyern , unsers lieben bruder, auf uns vervallen waren, und als in briven, di wir daruber geben haben ||
ist vollen kumenlich begriffen. Dovon bitten wir den obgenanten unsern herren den romischen kunig, das er ||
mit romischer kunglicher macht denselben kouf geruche zu bestetigen und die selben vesten der cro¬ ||
nen und dem kungrich zu Behem zu rechtem erbe und erbelehen machen und verleihen wolle. Mit ||
urkund dicz brives, versigelt mit unserm insigel, der geben ist zu Hagnow nach Cristus geburd drei||
czehen hundert und in dem dreu und fumfczgistem jar, des nechsten eritags nach sand Simons und||
Judas, der heiligen zwelfboten tag¬ .