||
Wir Wilhelm von Gots gnaden erczbischof zu Coln, des heiligen reichs erczcanczler in Italien, bekennen und ||
tun kutit offenlich mit disem brive allen den, die in sehent odir horent lesen, wanne die hochgeborn fursten, ||
her Ruprecht der Eldest und her Ruprecht der Jungste, pallanczgreve by dem Ryn und herczogin in Beyern, ||
unsirn lieben neven und getrewin mit wolbedachtem mute, mit rade irr frunde und ouch mit rechtir wizzen ||
dem allirdurchluchtigsten fursten und herren, hern Karl romischem kunge zu allen zyden merer des richs und||
konge zu Behem , als einem kunge zu Behem, seinen erben und nachkummen, kungen zu Behem, und der cronen ||
dez selbin kungrichs die nachgeschriben vesten Hohenstein und die merkte Hersbrucke und Awrbach, die von ||
dem heilgen reich lehen sint, mit allen rechten, herscheften, nutzen und zugehorungin, wi man die benennen ||
mag, zu rechtem erbelehin recht und redelich verkouft haben in aller der mazze, als die obgenannten vesten und merk¬ ||
te mit iren zugehorungin nach tode seliger gedechtnuzze des hochgeboren fursten hern Rudolfs, etwenne||
phallenczgrevem by dem Ryene und herczogm in Beyern , uf sie vervallen waren, als in briven, die ubir den selbin ||
kouff gemachit sint, vollenkumelich ist begriffen, des habin wir angesehen die lutir begerunge der obgenanten phal¬ ||
lenczgrafen, unsirer neven, und ouch die stete trewe, domit die hochgeboren kunge von Behem daz heilge reich ||
allewege gemeinet haben, und gebin darczu unsirn willen und gunst und bestetigin und approbiren denselben ||
kouf mit wolbedachtem mute und mit rechtir wizzin in allir der mazze, als in den koufbriven begriffin ist, ||
als ein erczbischof zu Coln und ein kurfurste dez heilgin romischin reichs. Dez zu urkund han wir unsir insigl ||
an disen brief tun henken, der gebin ist zu Meincze nach Crists geburtte dreuczen hundert jar, dornoch in dem||
vier und fumfczigsten jare, an dem nechstin mitwochin nach der heilgen drey kunge tage .