||
Wir Gerlach von Gots gnaden erczbischof zu Mencz, des heilgen romischen riches in duetschen landen erczcanczler, be¬ ||
kennen und tun kunt offenlich mit disem brive allen den, die in sehent odir horent lesen, wann die hochgeboeren fursten, ||
her Ruprecht der Eldest und her Ruprecht der Jungste palanczgrebe by dem Ryne und herczogen in Beyern, unsirn lieben ||
neven, mit wolbedachtem mude, mit rade irer frunde und auch mit rechtir wizzen dem allirdurchluchtigsten fursten und ||
herren, hern Karl, Romischem kunge, zu allen cziden merer des richis und kung zu Behem, als eynem kunge zu Behem, ||
synen erben und nachkummen, kungen zu Behem, und der cronen des selbin kungriches dy nageschriben vesten Hohinsteyn ||
und die merkte Hersbrucke und Aurbach, die von dem heilgen reiche lehin sint, mit allen rechten, herscheften, nuczen und ||
zugehorungen, wi man die benennen mag, zu rechtem erbelehin recht und redelich virkout haben in aller der mazze, als ||
die obgenannten vesten und merkte, mit yren zugehorungen nach dode seliger gedechtnisse des hochgeboren forsten hern Rudolfs||
ettwenn palanczgrabe by dem Ryene und herczog in Beyern, , uff sie birballin woren, als in briven, die ubir den selben kouf ||
gemachit sint, vollenkumelich ist begreffin, des han wir angeschin die luetir begerunge der obgenanten palenczgreben, unsirn ne¬ ||
ven, und ouch die stede und veste truwe, damid die hochgeboren kunge von Behem daz heilge riche allewege gemeynit haben, ||
und geben darczu unsirn willen und gunst und bestedigen und approbiren den selbin kouf mit wolbedachtem mude und mit ||
rechtir wizzen in alle der mazze, als in den koufbriben begriffen ist, als eyn erczbischof zu Mencze und eyn kurfurste des ||
des heilgen romischen riches. Des zu urkunde han wir unsir engesigel an disen brif thun henken, der gegebin ist ||
zu Meincz nach Crists geburt dreuczehen hundirt jar, darnach in dem vier und fumfczigsten jare, an dem nehsten||
mitwochen nach der heilgen dry kunge tage .