||
Wir Baldewin von Gots gnaden erczbisschof zu Triere, dez heiligen romischen riches durch daz kunigrich von||
Arle und durch Welschelant ertzcanceler , bekennen offenlich mit diesem brieve und tun kunt allen, den ||
die in sehent odir horent lesen, wann die hochgeboren fursten, her Ruprecht der Eldiste und her Ruprecht||
der Jungiste palanczgreve bei dem Ryne und herczogen in Beiern , unsere lieben neven und getrewen, mit ||
wolbedachtem mude, mit rade irer frunde und auch mit rechter wiszen dem allerdurchluchtigsten fursten ||
und herren, hern Karle romischem kunige zu allen ziden merer des riches und kunige zu Beheim, als eynem ||
kunige zu Beheim, sinen erben und nachkomen, kunigen zu Beheim, und der cronen des selben kungrichs ||
die nageschrieben vesten Hoenstein und die merkte Hersbrucke und Aurbach, die von dem heilgen reiche ||
lehen sint, mit allen rechten, herscheften, nuczen und zugehorungen, wie man die benennen mag, zu rech¬ ||
tem erbelehen recht und redelich verkauft haben in aller der maze, als die obgenannten vesten und merkte ||
mit iren zugehorungen nach dode seliger gedechtnisze dez hochgeboren fursten hern Rudolphs, etwenne||
palentzgraven by dem Ryne und herczogen in Beiern , uff sie vervallen waren, als in briven, die uber ||
den selben kauf gemachet sint, volkomelich ist begreffin, des han wir angesehen die luter begerung der obgenanten ||
palenczgreven, unserr neven, und auch die stede truwe, domit die hogeboren kunige von Beheim daz ||
heilge riche allewege gemeinet haben, und geben darczu unsern willen und gunst und bestedigen und ap¬ ||
probyren den selben kauff mit wolbedachtem mude und mit rechter wizze in alle der maze, als in den ||
kaufbrieven begriffen ist, als ein ertzbisschof zu Triere und ein kurfurste des des heilgen romischen ||
riches. Des zu urkunde han wir unser ingesigel an diesen brieff dun henken, der gegeben ist zu Mentze ||
.