||
Wir Ludowig von Gots genaden marggrave ze Brandenburg und ze Lusitz, des heiligen||
romischen reichs oberster kamrer, pfallentzgrave bei Rein, hertzog in Beyern und in Kernten, grave ze||
Tirol und ze Gortz und vogt der gotshauser Agley, Triend und Prihsen , bekennen und tun kunt ||
offenleichen mit disem brief, daz wir dem allerdurchluhtigsten fursten und herren, hern Karln ro¬||
mischem kung ze allen zeiten merer des reichs und kung ze Peheim , unserm lieben genaedigen ||
herren, und dem hohgeborn fursten hern Johannen marggraven ze Maerhern, unserm oheim, iren erben und ||
nahkomen, kungen ze Peheim und marggraven ze Merhern, gelobt haben und geloben auch ||
fur uns, unser erben und nahkomen ewichleichen in guten trewen one geverde, daz wir in ||
iren landen und herscheften, wo si die habent, dhein vesten, stat oder gut kauffen noh ||
dheinen man, der in irem lande gesezzen sey, zu diener enphahen wellen oder sullen, es were ||
danne, daz si uns des mit gutem willen gunnen wolten. Und das selbe sullen die egenanten unser ||
herre der kunch, der marggrave ze Merhern, unser oheim, ir erben und nahkomen, kung ||
ze Peheim und marggrafen ze Merhern, gen uns, unsern erben und nahkomen, marggraven ||
ze Brandenburg und hertzogen in Beyern, grafen ze Tirol und ze Gortz, ze tun pflichtig ||
sein geleicher weis, als da vor begriffen ist. Mit urkund des briefs, der geben ist ze ||
Schultzpach nah Gots geburt driuzehen hundert jar und in dem vier und funfzigsten jare||
an sant Peters tag ad vincula, .