||
Wir Dietrich, Fridrich, Heinrich, Albrecht und Otte gebruder von Vildenvels bekennen und tuen kunt offenlich mit diesem brief allen den, die in ||
sehen oder horen lesen, daz wir mit wolbedachtem mute, mit rat unsirer freunde und mit gutem willen unser haws zu Wildenvels von dem aller ||
durchleuchtigisten fuersten und herren hern Karl romischem keiser zu allen zeiten merer des reichs und kunge zu Beheim, als von einem kunge ||
zu Beheim, und von der cronen desselben kungrichs zu Beheim, zu rechtem manlehen empfangen haben und haben dem edlen manne||
hern Albrechten Foertschen von Turnaw , unserm freunde, gancze, vollenkumene macht und ouch gewalt gegeben dem egenanten unserm herren, dem ||
kunge zu Beheim, und der cronen desselben kungrichs zegeloben und zesweren zu den heiligen uff unsir sele, daz wir dem obgenanten ||
unserm herren als einem kunge zu Beheim, seinen erben und nachkumen, kungen zu Beheim, und der cronen desselben kungrichs ewiclich ||
getrew, hold, gehorsam, und ouch undertenig sein wollen und suellen als unserer erblichen herschaft und allez daz gein in tun, daz manne ||
gein iren rechten herren durch recht und durch erber lobliche gewonheit zetuen pflichtig sind, und daz dem egenanten unserm herren, als einen ||
kunge zu Beheim, seinen erben und nachkumen, kungen zu Beheim, ewiclichen und iren obristen und kuntlichen amptleuten daz egenanten ||
unser haus Wildenvels offen sein sol zu allen iren notdurften wider allermenglich, niemant uzgenomen. Und alle die vorgenanten gelubde und ||
ouch eyde, die der egenanten Albrecht von unsern wegen getan hat, die geloben wir zeanderweiden und zeuernewen mit unser selbs gegenwer¬ ||
tikeit, wenn wir desselben von dem egenanten unserm herren dem kunge zu Beheim, oder seinen erben und nachkumen, kungen zu Beheim, erma¬ ||
net werden und alle die obgenanten gelubde und eyde und ycliche besunder geloben wir fuer uns, unsir erben und nachkumen ewiclich dem ||
egenanten unserm herren, seinen erben und nachkumen stet, gancz und unverruket zehaben und zehalten. Und zu mererer sicherheit und ouch ||
zu ewigem gedechtnuzze diser sachen haben wir gebeten die edlen leute hern Albrecht Nothaft vom Tyrstein, hern Heinrich von||
Wildenstein von Stralnvels und hern Heinrich von Wildenstein vom Botemberg, daz sie ouch ire insigel an disen brief zu gezeugnuzze ||
gehenget haben. Und wir die vorgenanten Albrecht Nothaft vom Tyrstein, Heinrich von Wildenstein von Stralnvels und Heinrich von||
Wildenstein vom Botemberg bekennen offenlich, daz wir durch sunderlicher bete willen der egenanten Dytreichs, Fridrichs, Heinrichs, Albrechts ||
und Ottens, gebruder von Wildenvels unsere insigel zu gezeugnuzze an disen brief gehenget haben. Mit urkunde dics briefs, ver¬ ||
sigelt mit unsir aller insigel, der geben ist zu Sulczpach, nach Christs geburt dreuczenhundert jar und in dem sehs und fumfczigsten||
jare, an dem nechsten Freitag nach santh Dyonisen tag .