|N001|Ich Fryderich von Byberstein bekennen und tun kunt offenlich mit diesem brief allen den, die yn sehen odir horen lesen, wann ich die festen Landes¬ |N002|crone und waz darzu gehoret, Duchras und waz dorzu gehoret und Saraw und waz dorzu gehoret, und waz ich zu Glogaw in dem lande han, |N003|sunder alsvil als dem herczogen von Glogaw ist verpfant, solange er daz ynne hart von dem allirdurchluchtigistem fursten, meinem genedigen herren |N004|hern Karl, Romischem keiser und kunige zu Beheim, als von des kungreichs und der cronen von Beheim wegen zu rechtem lehen han und dar¬ |N005|zu Frydelant und Hamerstein mein frei erbe sein als andir herren zu Beheim, yr frei erbe han und doch gehoren zu der cronen zu Beheim do¬ |N006|von globen ich in guten truwen vor mich, meine erben und nachkomen, dem vorgenanten mynem herren, seinen erben und nachkomen kunige |N007|zu Beheim, und der cronen desselben kunigreichs, daz ich noch meine erben und nachkomen uns mit den vorgenanten festen lant leute und gut |N008|nummer in deheinen zeiten sollen noch enwollen von yn gescheiden, dann wir sollen und wollen yn getruwelich wiedir allirmenlich niemand auz¬ |N009|genomen, dienen, helfen und warten mit unsir selbes libe und mit den vorgenanten festen lant leute und gut, die wir han odir vorbaz gewinnen, |N010|sundir allirlei argelist und geverde. Des zu urtkund und ewiger stedekeit han ich und mit mir zu meiner fleiziger bete der erwirdige in Got |N011|vatter und herre her Thietrich, bisschof zu Mynden, und die hochgeborn fursten her Bolko zu Falkmberg und her Conrad von der Olsne, hertzo-|N012|gen , und die edlen her Sbincke von Hasenburg, her Haske von Swereticz und her Henrich Cziegilheimer, mann unsirs herren und der cronen |N013|zu Beheim vorgenanten unsir insiegele an diesen brieff gehangen, des wir die obgenanten Thietrich bisschof zu Mynden, Bolke zu Falkmberg, Conrad von |N014|der Olsne hertzogen , Sbinke von Hasenburg, Hasko von Swereticz und Henrich Cziegilheim uns erkenne und haben durch fleizige |N015|bete des edlen hern Frydereichs von Bebirstein vorgenanten vor sich, seine erben und nachkomen. Zu urkund allir dieser vorgeschriben sachen |N016|unsir insiegele mit ym an diesem brief gehangen. Geben nach Cristus geburt drutzenhundirt jar dornach in dem syben und funftzgistem|N017|jar an der nechsten mitwochen nach allir heiligen tag .