||
Wir Ulreich und Johans, gebrudir lantgrafen vom Leutenberge, bekennen und tun kunt offenlich mit disem briefe allen den, die in sehent odir hörent lesen, daz ||
wir mit gesampter hant wollbedacht und mit rate unsir freunde dem allirdurchleuchtigsten fürsten unsirm genedigen herren herren Karl Römischem keiser und ||
kunige zu Behem , seinen erben und nachkomen kunigen zu Beheim und der cronen desselben kunigreichs in disen nachgeschriben, stat und dorfern, die sein, ||
seiner erben und nachkommen und der cronen zu Beheim, sein sulche gulte, zins und recht, die uns von dem stiffte von Babemberch verseczt, verpfant und ver¬ ||
seczt sein, recht und bescheidenlich verkawft haben umb fumf hundert schok grosser prager munzze und werunge, die er uns hat beczalen tun an bereiten pfenningen, ||
und die in unsirn nuczz komen sein mit namen in der Alten Stat zu Pagniczz newn pfunt eylif schillinge und drey haller zwei unde fierczig sommer hawern po¬ ||
tensteiner mazze, zwey hundirt und siben käse, zwei und dreisig fasnacht hüner, zu prun fumf pfunt eynen schilling und eylif haller, hundirt acht und zwain¬ ||
tzig kese, zwenczig sommer habern und fierczehn vasnacht hüner zu Heymbrün, newn pfunt haller, drewzendehalb vierteil korns awerbacher mazz, sechs¬ ||
und fumfczig sommer habern potensteiner mazze, hundert und zwene und sechtig käse und fiertzehn hünre zu Lubensteig, drey pfunt achthalb schilling hal¬ ||
ler, sechsdehalb vierteil korns awrbacher mazz, achzehn sommer habern potensteiner mazz, drey und sechcig käse und sechs hünre zu dem Newhenhofe, sechs ||
pfunt viertzenschillinge und drey haller, zwey und dreysig vierteil korns awerbacher mazze, eyns und sibentzig sommer habern potensteiner mazz, hundert ||
und achtzehn käse mit dem zehnden grozz und kleine und eylif hünre zu Steinenreut, ein pfunt, sechs schilling haller, sechs vierteil korns awerbacher mazz, ||
eylif sommer habern potensteyner mazz, vierundfumfczig käse, sechs hunre und den zenden mit allem nutzze zu Ybenstuk, drey pfunt haller, vier unde ||
zwenczig vierteil korns, vier und zwentzig vierteil habern awerbacher mazz, sechs und dreisig käse und drei hunre und dartzu daz unsir herre der keiser kunig zu ||
Beheim, sein erben und nachkomen, die erbe uff den obgenanten guten, die man akirt mügen besitzzen und entsitzzen, als recht ist und dortzu haben wir in ||
verkawft ein dritteil an den gerichten, der sie vogt sein und daruf unsir herre der keiser, die vogtey von uns kawft und gelozet hat und geloben darumb in gu¬ ||
ten, trewen für uns, alle unser erben und nochkomen dem vorgenanten unsirm herren, seinen erben und nachkomen werschaft zu tun und zu tragen der obgenanten ||
gulde, zins, recht und gerichte als recht ist und sie doran zu versprechen zu entheben und zu ledigen gegen allir menglich sundir argelist und geferde, dez zu ||
urkunde und rechtir stetigkeit haben wir Ulreich und Johans, vorgenanten unser insigel an disen brief gehangen, der geben ist zu Gretzz noch Christes geburde ||
dreuzehnhundirt iar, dornach in dem sibenden und fumftzkisten iare an dem nachsten donrestage nach des heiligen sande Merteins tage . ||
Lecta coram domino imperatore ||
Henricus de Wesalia