|N001|Ich Heinrich von Wildenstein bekenne und tun kunt offenlich mit diesem brife |N002|allen den, die in sehent oder horent lesen, daz der allirdurchleuste fürste und herre, |N003|her Karl romischir keiser zu allen zeiten merer des reichs und kunig zu Beheim, |N004|mein liebir genediger herre, an den fumftausenten und achtzig schokken, die er mir |N005|von des hausz wegen Rotemberg schuldig ist, daz er von mier umb daz egennanten gelt ge¬ |N006|kauft hat, mier an demselben gelde geben und betzalit hat fumf hundirt schok gutir |N007|behemischir grozz, derselben fumfhundirt schokke sag ich den egenanten meinen herren |N008|den keiser und alle sein erben fur mich und alle mein erben gantz und gar quit, |N009|ledig und los mit diesem briefe, versiegelt mit meins vorgenanten Heinrichs angedruk¬ |N010|tem ingsiegel. Der geben ist zu Prage nach Cristes geburde dreyzehenhundert iar in|N011|dem sechtzkistem iare an dem nahsten freytage vor allir manne vasnacht .