||
Ich Johans des hochgeborn fursten und herren seliger gedechtnuzz hern Rudolfes etswann pfalentzgraff bei Rine und hertzogen||
in Beyern suon bekennen und tun kunt offinlich mit diesem brieve allen den, die yn sehen odir horen lesen, wann der allerdurch¬ ||
luchtigiste furste und herre, her Karl von Gots gnaden romischer keiser zu allen zeiten merer des richs und kunig zu Beheim, myn ||
gnediger herre, als ein kunig zu Beheim mir die vesten Blesperg, bei Bernaw gelegen mit aller yrer zugehorungen zu rechtem ||
manlehen geluhen hat, und hat mir auch gnedeclich von kunglicher macht zu Beheim und von rechter wizzen erlaubet, daz ich ||
dieselbe vesten Blesperg mit yrer zugehorungen verkeufen moge, wem ich welle, also doch, waz geldis mir von dem vorgenanten ||
kaufe wirdet, daz ich dazselbe gelt anlegen und domitte ligende gut keufen sulle in dem kungrich zu Beheim und dazselbe ||
gut sulle ich und mine mannes lehens eliche erben von dem egenanten minem herren dem keiser als von einem kunige zu Beheym, ||
seinen nachkomen, kunigen, dem kungrich und der cronen desselben kungrichs zu Beheim zu rechtem manlehen haben ||
und empfahen, und sullen yn dovon schuldig sin zu tun gentzlich alle sache als andere yre und des kungrichs zu Beheim ||
manne pflichtig sint zu tune. Mit urckund ditz brieves versiegelt mit minem anhangenden insiegel, der geben ist ||
zu Karlstein nach Cristus geburt druczenhundert iar dornach in dem sechtzigistem iare an dem nechsten donrstage||
nach dem suntag, als man singet Oculi in der vasten .